മലപ്പുറം: പെരിന്തല്മണ്ണയില് കാറില് കടത്തുകയായിരുന്ന 166 കിലോഗ്രാം കഞ്ചാവുമായി രണ്ടു പേര് പിടിയില്. വയനാട് മുട്ടില് ഇല്ലിക്കോട്ടില് മുഹമ്മദ് ഷാഫി (34), ചെര്പ്പുളശ്ശേരി കൈലിയാട് കുന്നപ്പുള്ളി മുഹമ്മദ് അഷറഫ് (38) എന്നിവരെയാണ് പോലീസ് അറസ്റ്റ് ചെയ്തത്.
പെരിന്തല്മണ്ണ ചെര്പ്പുളശ്ശേരി റോഡില് സ്കൂളിന് സമീപം നടത്തിയ പരിശോധനയിലാണ് കഞ്ചാവ് കണ്ടെടുത്തത്. കര്ണാടക രജിസ്ട്രേഷനിലുള്ള കാറില് കഞ്ചാവു കടത്തി വരുന്നതായി ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെതുടര്ന്നാണ് പരിശോധന നടത്തിയത്.


