തിരുവനന്തപുരം: റിപോര്ട്ടര് ചാനലിലെ പോലീസ് പരിശോധന നിയമപരമാണെന്ന് മുഖ്യമന്ത്രി വി ഡി സതീശന്. ചാനലിന്റെ വാര്ത്താപ്രക്ഷേപണം പോലീസ് തടസ്സപ്പെടുത്തിയതായി അറിയില്ലെന്നും മുഖ്യമന്ത്രി പറഞ്ഞു.
ആ ചാനലിലൂടെയാണ് ഇത്തരമൊരു വാര്ത്ത അറിഞ്ഞത്. കായികവകുപ്പ് ഒരു പരാതി ആഭ്യന്തര വകുപ്പിന് നല്കിയിരുന്നു. അതുമായി ബന്ധപ്പെട്ട് രൂപവത്കരിച്ച പ്രത്യേക അന്വേഷണ സംഘത്തിന്റെ (എസ് ഐ ടി)യുടെ നിയമപരമായ റെയ്ഡ് ആണ് റിപോര്ട്ടര് ടി വിയില് നടന്നത്.
ഫോണുകള് പിടിച്ചെടുത്തത് പോലീസിന്റെ അന്വേഷണവുമായി ബന്ധപ്പെട്ട നടപടിക്രമത്തിന്റെ ഭാഗമാണെന്നും അതില് സര്ക്കാര് ഇടപെടലൊന്നും ഉണ്ടായിട്ടില്ലെന്നും മുഖ്യമന്ത്രി വ്യക്തമാക്കി.
