എല്ലാ ഭരണകൂടവും സേഛ്വാധിപതികളെ സൃഷ്ടിക്കുന്നുണ്ടെന്നും അവരുടെ ഈഗോകളാണ് നിരപരാധികളെ തടവിലാക്കുന്നതെന്നും മാവോയിസ്റ്റ് ബന്ധം ആരോപിച്ച് അറസ്റ്റിലായ കണ്ണൂർ യൂണിവേഴ്സിറ്റിയിലെ നിയമ വിദ്യാർത്ഥി അലന് ഷുഹൈബിന്റെ അമ്മ സബിതാ ശേഖര്. പുതുവര്ഷദിനത്തില് മകന് അലനുള്ള കത്ത് എന്ന നിലയ്ക്കാണ് സബിതാ ശേഖർ ഫേസ്ബുക്കില് ഇങ്ങനെ കുറിച്ചത്. ചരിത്രം പരിശോധിച്ചാല് എല്ലാ സേഛ്വാധിപതികളുടെയും അന്ത്യം ദയനീയമാണെന്നും അതുകൊണ്ട് ക്ഷമയോടെ കാത്തിരിക്കണമെന്നും നിന്റെ അര്ബന് സെക്കുലര് അമ്മ സബിത. എന്ന് എഴുതിയാണ് സബിത ശേഖർ കുറിപ്പ് അവസാനിപ്പിക്കുന്നത്.
ഫെയ്സ്ബുക്ക് പോസ്റ്റിൻറെ പൂർണ്ണരൂപം
അലാ … നമ്മള് ഒരിക്കലും പുതുവത്സര ആഘോഷങ്ങള് ഒന്നും പൊതുവെ നടത്താറില്ലല്ലോ… പക്ഷെ 2020 ന്റെ പിറവി അമ്മ പഠിപ്പിക്കുന്ന മക്കളും നിന്റെ പ്രിയപ്പെട്ട പ്രേംജിത്ത് മാഷും നിഷ ടീച്ചറും കൂടി അവിസ്മരണീയമാക്കി.
നീ ഇല്ലാത്തത് എന്റെ സന്തോഷ ത്തിന് കുറവ് വരുത്തരുത് എന്ന് അവര്ക്ക് നിര്ബന്ധമായിരുന്നു. മോനെ … അമ്മ ചിലപ്പോഴൊക്കെ തളര്ന്നു പോവുന്നുണ്ട്…
പക്ഷെ നീ വന്നാല് ചെയ്യേണ്ട കാര്യങ്ങള് പ്ലാന് ചെയ്യുമ്പോള് കിട്ടുന്ന സന്തോഷം ഞാന് ശരിക്കും ആസ്വദിക്കുന്നു – നമ്മള് എവിടേക്കൊക്കെ യാത്ര പോവണം … പുതിയ റെസിപ്പികള് പരീക്ഷിക്കണം ….
ചില സന്ദര്ഭങ്ങളില് എനിക്ക് തോന്നും എനിക്ക് ധൈര്യം വളരെയധികം കൂടുന്നോ എന്ന് …
ഓരോ കാര്യങ്ങള്ക്കും നിന്നെ ആശ്രയിക്കുന്ന ഞാന് എല്ലാം ഒറ്റക്ക് ചെയ്യുന്നു. നിന്നെ ശാരീരികമായി മാത്രമെ ജയിലിലടക്കാന് സാധിക്കുകയുള്ളൂ …നിന്റെ ചിന്തകളെ തടവിലിടാന് ഒരു ഭരണകൂടത്തിനും സാധിക്കില്ല … ഒരിക്കലും അവര്ക്ക് നമ്മളെ തോല്പ്പിക്കാന് സാധിക്കില്ല …
നീ ഇപ്പോള് വായിച്ചു കൂട്ടിയ പുസ്തകങ്ങള് നിന്റെ ചിന്തയെ മൂര്ച്ച കൂട്ടും. കൂടുതല് വ്യക്തതയോടെ ജീവിക്കാന് നിനക്കും സാധിക്കും അലാ … എല്ലാ ഭരണകൂടവും സേഛ്വാധിപതികളെ സൃഷ്ടിക്കുന്നു. അവരുടെ ഈഗോകള് നിരപരാധികളെ തടവിലാക്കുന്നു …
ചരിത്രം പരിശോധിച്ചാല് എല്ലാ സേഛ്വാധിപതികളുടെയും അന്ത്യം ദയനീയമാണ്… അതുകൊണ്ട് അലാ … നമ്മള് കാത്തിരിക്കുക ക്ഷമയോടെ … നമ്മുടെ സമയം വരും …പ്രതീക്ഷയോടെനിന്റെ
അര്ബന് സെക്കുലര് അമ്മ..
സബിത ശേഖര്