തൃശൂര്: ആന എഴുന്നള്ളിപ്പ് നിയന്ത്രണം റദ്ദാക്കണമെന്ന് ആവശ്യപ്പെട്ട് സുപ്രീംകോടതിയെ സമീപിച്ച് ദേവസ്വങ്ങള്. തൃശൂര് പാറമേക്കാവ്, തിരുവമ്പാടി ദേവസ്വങ്ങളാണ് സുപ്രീംകോടതിയെ സമീപിച്ചത്. ഹൈക്കോടതി ഡിവിഷന് ബെഞ്ച് ഉത്തരവ് റദ്ദാക്കണമെന്ന് ആവശ്യപ്പെട്ടതാണ് ദേവസ്വങ്ങള് സുപ്രീംകോടതിയെ സമീപിച്ചത്.
ഡിവിഷന് ബെഞ്ചിന്റെ ഉത്തരവ് പ്രകാരം പൂരം എഴുന്നള്ളിപ്പുകള് നടത്താന് കഴിയില്ലെന്നാണ് ദേവസ്വങ്ങളുടെ വാദം. ഈ സാഹചര്യം വ്യക്തമാക്കിയാണ് സുപ്രീംകോടതിയില് ഹര്ജി നല്കിയത്. മൃഗസ്നേഹികളുടെ സംഘടന തടസ്സ ഹര്ജി നല്കി. ഹര്ജിയില് തങ്ങളുടെ വാദം കേള്ക്കാതെ തീരുമാനമെടുക്കരുതെന്ന് ആവശ്യപ്പെട്ട് മൂന്ന് തടസ് ഹര്ജികളാണ് കോടതിയിലെത്തിയത്.


