Sunday, June 20, 2021

Latest Posts

സ്മൃതി ഇറാനിയുടെ റോഡ് ഷോക്കിടെ ജന്മഭൂമി ഫോട്ടോഗ്രാഫറെ ബി ജെ പി പ്രവർത്തകർ മർദിച്ചു

കേന്ദ്ര മന്ത്രി സ്മൃതി ഇറാനിയുടെ റോഡ് ഷോക്കിടെ ബി ജെ പി മുഖപത്രം ജന്മഭൂമിയുടെ ഫോട്ടോഗ്രാഫറെ പാർട്ടി പ്രവർത്തകർ തന്നെ മർദിച്ചു. ഫോട്ടോഗ്രാഫർ ദിനേശ് കുമാറിനാണ്​ മുഖത്തടിയേറ്റത്. മുഖത്ത് പരിക്കേറ്റ ദിനേശിനെ ആശുപത്രിയിൽ പ്രവേശിപ്പിച്ചു.

കക്കോടിയിലാണ് സംഭവം. കക്കോടി പൊക്കിരാത്ത് ബിൽഡിംഗിന് മുന്നിലെത്തിയതോടെ പ്രകടനത്തിലുള്ളയാൾ ദിനേശനോട് തട്ടിക്കയറുകയും മുഖത്ത് അടിക്കുകയും ചെയ്തു. ഇതേതുടർന്ന് മറ്റുള്ളവരും അടിക്കാൻ ശ്രമിക്കുന്നതിനിടെ മാധ്യമപ്രവർത്തകർ തടയുകയായിരുന്നു.

ന്യൂസ്ഫോട്ടോഗ്രാഫർക്ക് നേരെ ആക്രമണം: കെ.യു.ഡബ്ല്യു.ജെ.പ്രതിഷേധിച്ചു

കോഴിക്കോട്: കക്കോടിയിൽ കേന്ദ്ര മന്ത്രി സ്മൃതി ഇറാനിയുടെ റോഡ് ഷോയുടെ ഫോട്ടോ എടുക്കാനെത്തിയ ജന്മഭൂമി ഫോട്ടോഗ്രാഫർ എം.ആർ. ദിനേശ് കുമാറിന് നേരെ നടന്ന ആക്രമണത്തില്‍ കേരള പത്രപ്രവര്‍ത്തക യൂണിയന്‍ കോഴിക്കോട് ജില്ലാ കമ്മിറ്റി പ്രതിഷേധിച്ചു.

റോഡ് ഷോയുടെ പടം എടുക്കുകയായിരുന്ന ദിനേശിനെ ഒരു സംഘം പേർ യാതൊരു പ്രകോപനവുമില്ലാതെ അക്രമിക്കുകയായിരുന്നു. കണ്ണിന് പരുക്കേറ്റ ദിനേശിനെ സ്വകാര്യ ആശുപത്രിയിൽ ചികിത്സ തേടി. കുറ്റക്കാര്‍ക്കെതിരെ കടുത്ത നടപടിയെടുക്കാന്‍ തയ്യാറാകണമെന്ന് ആശുപത്രിയിൽ ദിനേശ് കുമാറിനെ സന്ദർശിക്കാനെത്തിയ സ്മൃതി ഇറാനിയോട് പത്രപ്രവര്‍ത്തക യൂണിയൻ ജില്ലാ പ്രസിഡന്റ് എം. ഫിറോസ് ഖാനും സെക്രട്ടറി പി.എസ്. രാകേഷും ആവശ്യപ്പെട്ടു.

തൊഴിലിനിടയിൽ മാധ്യമ പ്രവർത്തകരെ അക്രമിക്കുന്നത് അത്യന്തം അപലപനീയമാണെന്നും യൂണിയൻ നേതാക്കൾ പറഞ്ഞു. ദിനേശ് കുമാറിനെ ആക്രമിച്ചവരിൽ പാർട്ടി പ്രവർത്തകരുണ്ടെങ്കിൽ അവർക്കെതിരെ കർശന നടപടിയെടുക്കുമെന്ന് കേന്ദ്ര മന്ത്രി ഉറപ്പ് നൽകി. ദിനേശിന് മികച്ച ചികിത്സ ലഭിക്കാനുള്ള ഏർപ്പാടുകൾ ചെയ്യുമെന്നും അവർ പറഞ്ഞു.




ചേർത്തല ലാഫിയാലു ഇംഗ്ളീഷ് മീഡിയം സ്‌കൂളിൽ അഡ്മിഷൻ ആരംഭിച്ചു; ഫോൺ: 9447975913

Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.