തിരുവനന്തപുരം: ശബരിമല സ്വര്ണക്കൊളള കേസില് മുന് ദേവസ്വം സെക്രട്ടറി എസ് ജയശ്രീയെ അന്വേഷണ സംഘം ചോദ്യം ചെയ്യും. ഹൈക്കോടതി ജയശ്രീയുടെ മുന്കൂര് ജാമ്യാപേക്ഷ തളളിയതോടെയാണ് ചോദ്യം ചെയ്യാന് അന്വേഷണ സംഘം തീരുമാനിച്ചത്. ദ്വാരപാലക പാളികള് കടത്തിയ കേസിലാണ് ചോദ്യം ചെയ്യുക. സ്വര്ണക്കൊള്ളയില് ജയശ്രീയ്ക്ക് ഗൂഢാലോചനയില് പങ്കുണ്ടെന്നാണ് എസ്ഐടിയുടെ നിഗമനം. ജയശ്രീയുടെ ആരോഗ്യസ്ഥിതി ചോദ്യം ചെയ്യലിന് തടസമാകില്ലെന്നാണ് വിലയിരുത്തല്.
ക്ഷേത്രം വക വസ്തുക്കളുടെ കസ്റ്റോഡിയന് അഡ്മിനിസ്ട്രേറ്റീവ് ഓഫീസറാണ്. ദേവസ്വം സെക്രട്ടറി ചീഫ് അഡ്മിനിസ്ട്രേറ്ററാണ്. ആ ചുമതല കൂടി വഹിച്ചിരുന്ന ആളാണ് ജയശ്രീ. അതുകൊണ്ടുതന്നെ ക്ഷേത്രവക സ്വത്തുകള് കൈകാര്യം ചെയ്യുന്നതുമായി ബന്ധപ്പെട്ട് ജയശ്രീയ്ക്ക് ഗൂഢാലോചനയില് പങ്കുണ്ടെന്നാണ് നിഗമനം. ഗൂഢാലോചനയില് പങ്കുളളത് കൊണ്ടാണ് സ്വര്ണത്തെ ചെമ്പെന്ന് രേഖപ്പെടുത്തിയിട്ട് പോലും അത് തിരുത്താന് ജയശ്രീ തയ്യാറാകാത്തതെന്ന് അന്വേഷണസംഘം ചൂണ്ടിക്കാട്ടുന്നത്.


