കോട്ടയം: വിദ്വേഷ പരാമര്ശ കേസില് പി സി ജോര്ജിന് മുന്കൂര് ജാമ്യം. കോട്ടയം സെഷന്സ് കോടതിയാണ് മുന്കൂര് ജാമ്യം അനുവദിച്ചത്. പി സി ജോര്ജ് ഒരു ചാനല് ചര്ച്ചയില് മുസ്ലിം വിരുദ്ധ പരാമര്ശങ്ങള് നടത്തിയെന്ന പരാതിയിലാണ് കേസ്. ഈരാറ്റുപേട്ട പോലീസ് ആണ് കേസെടുത്തത്. മതസ്പര്ധ വളര്ത്തല്, കലാപാഹ്വാനം എന്നീ വകുപ്പുകളാണ് പിസി ജോര്ജിനെതിരെ ചുമത്തിയത്. യൂത്ത് ലീഗ് ഈരാറ്റുപേട്ട മണ്ഡലം കമ്മിറ്റിയാണ് ജോര്ജിനെതിരെ പരാതി നല്കിയത്.
ഇന്ത്യയിലെ മുസ്ലിങ്ങള് മുഴുവൻ വർഗീയവാദികളാണെന്നും അവർ പാകിസ്ഥാനിലേക്ക് പോകണമെന്നുമാണ് ജനുവരി ആറിന് നടന്ന ചാനൽ ചർച്ചയിൽ പി.സി. ജോർജ് പറഞ്ഞത്. ഈരാറ്റുപേട്ടയിൽ മുസ്ലിം വർഗീയത ഉണ്ടാക്കിയാണ് തന്നെ തോൽപ്പിച്ചതെന്നും അദ്ദേഹം ചർച്ചയിൽ ആരോപിച്ചു.
വിദ്വേഷ പരാമര്ശത്തില് പി.സി. ജോര്ജിനെതിരേ ജാമ്യമില്ലാവകുപ്പുകള് പ്രകാരമാണ് ഈരാറ്റുപേട്ട പോലീസ് കേസെടുത്തിരുന്നത്. എന്നാല്, അറസ്റ്റ് വൈകുന്നതില് വ്യാപക പ്രതിഷേധമുയര്ന്നിരുന്നു. ഇതിനിടെയാണ് പി.സി. ജോര്ജ് മുന്കൂര്ജാമ്യം തേടി കോടതിയെ സമീപിച്ചത്.


