ചെന്നൈ: തമിഴ്നാട്ടിൽ വലിയ രാഷ്ട്രീയ കോളിളക്കം സൃഷ്ടിച്ച ഡി.എം.കെ നേതാവ് ഉദയനിധി സ്റ്റാലിന്റെ അറസ്റ്റിന് പിന്നിൽ നടി തൃഷയെക്കുറിച്ച് അദ്ദേഹം നടത്തിയ വിവാദ പരാമർശങ്ങളാണെന്നാണ് പറയുന്നതെങ്കിലും പ്രസംഗത്തിലെവിടെയും തൃഷയുടെ പേര് ഉദയനിധി പറയുന്നില്ല. സദസിൽ ഉള്ളവരാണ് തൃഷയുടെ പേര് വിളിച്ചുപറഞ്ഞത്, എന്നാൽതാൻ കാവേരി നദിയിലെ വെള്ളത്തെകുറിച്ചാണ് പറഞ്ഞതെന്ന് പറഞ്ഞു തിരുത്തുകയാണ് ഉദയനിധി ചെയ്തത്. തഞ്ചാവൂരിൽ നടന്ന കാവേരി നദീജല തർക്ക പ്രതിഷേധത്തിനിടയിലാണ് മുഖ്യമന്ത്രി വിജയ്‌യുമായുള്ള ബന്ധത്തിന്റെ പേരിൽ തൃഷയെ സൂചിപ്പിച്ചു കൊണ്ടുള്ള പരാമർശം ഡിഎംകെ പ്രവർത്തകരുടെ ഭാഗത്ത് നിന്നും ഉണ്ടായത്. ഈ സംഭവം പിന്നീട് ഇരുപാർട്ടികളും തമ്മിലുള്ള കടുത്ത വാക്പോരിലേക്കും അറസ്റ്റിലേക്കും കാര്യങ്ങൾ എത്തിക്കുകയുണ്ടായി.
പ്രതിഷേധ റാലിക്കിടെ ജനക്കൂട്ടം നടി തൃഷയുടെ പേര് ഉച്ചത്തിൽ വിളിക്കാൻ തുടങ്ങിയതോടെയാണ് പ്രശ്നങ്ങളുടെ തുടക്കം. തുടർന്ന് തമിഴിൽ “എവിടെ വെള്ളം വന്നാലും, വന്നാലും ഇല്ലെങ്കിലും, അവിടെ വെള്ളം വരണം.” എന്നിരുന്നാലും, താൻ കാവേരി വെള്ളത്തെക്കുറിച്ചാണ് പരാമർശിക്കുന്നതെന്ന് അദ്ദേഹം ഉടൻ തന്നെ വ്യക്തമാക്കി, എന്നാൽ ഈ പരാമർശത്തിലെ സമയം കാരണം ഇത് അശ്ലീലവും ഇരട്ടയർത്ഥമുള്ളതുമായ ഒന്നായി വ്യാഖ്യാനിക്കപ്പെടുകയായിരുന്നു. തമിഴ് സിനിമയുമായി രണ്ട് പതിറ്റാണ്ടിലേറെയായി ബന്ധമുള്ള തൃഷയും മുഖ്യമന്ത്രിയും തമ്മിലുള്ള അഭ്യൂഹങ്ങൾ നിലനിൽക്കുന്ന പശ്ചാത്തലത്തിലാണ് ഈ പരാമർശം വലിയ വിവാദമായി മാറിയത്.
