Sat. Nov 21st, 2026

കൊച്ചി: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന് പത്മഭൂഷൺ പുരസ്കാരം നൽകുന്നതിനെതിരെ ഹൈക്കോടതിയിൽ ഹർജി. ശ്രീനാരായണ ധർമ്മ പ്രബോധന ട്രസ്റ്റ് സമർപ്പിച്ച ഹർജിയിൽ, വെള്ളാപ്പള്ളിക്ക് പുരസ്കാരം നൽകുന്നത് നിയമവിരുദ്ധമാണെന്ന് ചൂണ്ടിക്കാട്ടുന്നു. വെള്ളാപ്പള്ളിക്കെതിരെ അഴിമതി കേസുകളും ആത്മഹത്യാ പ്രേരണാ കേസുകളും നിലവിലുണ്ടെന്നും, ക്രിമിനൽ പശ്ചാത്തലമുള്ള ഒരാൾക്ക് രാജ്യത്തെ ഉയർന്ന സിവിലിയൻ ബഹുമതി നൽകുന്നത് തെറ്റായ കീഴ്വഴക്കമാണെന്നും ഹർജിക്കാർ വാദിക്കുന്നു.

പുരസ്കാര ജേതാവിനെ തിരഞ്ഞെടുക്കുന്നതിൽ കേന്ദ്ര സർക്കാരിന് വീഴ്ച പറ്റിയെന്നാണ് ഹർജിയിലെ പ്രധാന ആരോപണം. വിഷയത്തിൽ കേന്ദ്ര സർക്കാരിന്റെ നിലപാട് തേടിയ കോടതി, ഹർജി രണ്ടാഴ്ച കഴിഞ്ഞ് വീണ്ടും പരിഗണിക്കുന്നതിനായി മാറ്റി. വെള്ളാപ്പള്ളി നടേശനെതിരെയുള്ള കേസുകളുടെ വിവരങ്ങൾ പരിശോധിക്കണമെന്നും പുരസ്കാരം നൽകുന്നത് തടയണമെന്നുമാണ് ഹർജിയിലെ ആവശ്യം.