തിരുവനന്തപുരം: ശബരിമല സ്വർണ്ണക്കൊള്ള കേസിൽ പ്രതിയായ സ്പെഷ്യൽ തഹസിൽദാർ ശങ്കരദാസിനെ പ്രത്യേക അന്വേഷണ സംഘം (SIT) അറസ്റ്റ് ചെയ്തു. തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിൽ കഴിയുന്ന ശങ്കരദാസിന്റെ അറസ്റ്റ് എസ്.പി. ശശിധരന്റെ നേതൃത്വത്തിലുള്ള സംഘമാണ് രേഖപ്പെടുത്തിയത്.

കഴിഞ്ഞ കുറച്ചു ദിവസങ്ങളായി ശങ്കരദാസ് ഐ.സി.യുവിൽ ചികിത്സയിലായിരുന്നതിനാൽ അറസ്റ്റ് വൈകുകയായിരുന്നു. അന്വേഷണ സംഘം വിവരം കൊല്ലം കോടതിയെ അറിയിച്ചതിനെ തുടർന്ന് മജിസ്ട്രേറ്റ് നേരിട്ട് ആശുപത്രിയിലെത്തിയാണ് തുടർനടപടികൾ പൂർത്തിയാക്കിയത്. ശങ്കരദാസിനെ ഐ.സി.യുവിൽ നിന്ന് മുറിയിലേക്ക് മാറ്റിയെങ്കിലും ആരോഗ്യസ്ഥിതി പരിഗണിച്ച് ആശുപത്രിയിൽ തന്നെ തുടരും.
കേസിൽ നിർണ്ണായക വഴിത്തിരിവായ ഈ അറസ്റ്റിന് ശേഷം, നാളെ കൊല്ലം കോടതിയിൽ പോലീസ് റിമാൻഡ് റിപ്പോർട്ട് സമർപ്പിക്കും. ശബരിമലയുമായി ബന്ധപ്പെട്ട സ്വർണ്ണക്കവർച്ചാ കേസിൽ കൂടുതൽ വിവരങ്ങൾ പുറത്തുകൊണ്ടുവരാൻ ഈ അറസ്റ്റിലൂടെ സാധിക്കുമെന്നാണ് അന്വേഷണ സംഘത്തിന്റെ വിലയിരുത്തൽ.

