ന്യൂഡല്ഹി: അഹമ്മദാബാദ് വിമാനാപകടത്തില് മരിച്ച 47 പേരെ തിരിച്ചറിഞ്ഞു. തിരിച്ചറിഞ്ഞ 24 പേരുടെ മൃതദേഹങ്ങള് ബന്ധുക്കള്ക്ക് കൈമാറി. ഗുജറാത്ത് മുന് മുഖ്യമന്ത്രി വിജയ് രൂപാണി ഉള്പ്പെടെയുള്ളവരുടെ മൃതദേഹങ്ങളാണ് ഡിഎന്എ പരിശോധനയിലൂടെ തിരിച്ചറിഞ്ഞത്. അഹമ്മദാബാദ് വിമാനാപകടത്തില് 270 പേര് മരിച്ചെന്നാണ് ഔദ്യോഗിക കണക്ക്.
അതേസമയം ഹോസ്റ്റല് വിദ്യാര്ത്ഥികളുടെ അടക്കം 19 മൃതദേഹങ്ങള് കുടുംബത്തിന് വിട്ടുനല്കി. 200ലധികം ഡിഎന് സാമ്പിളുകളുടെ ഫലം കാത്തിരിക്കുകയാണ്. ഡിഎന്എ പരിശോധന വേഗത്തില് ആക്കി മൃതദേഹം വിട്ടുനില്ക്കാനുള്ള നിര്ദ്ദേശം നല്കിയതായി ആശുപത്രി സൂപ്രണ്ട് വ്യക്തമാക്കി.
വിമാന ദുരന്തത്തിന്റെ കാരണം കണ്ടെത്താനുള്ള വിദഗ്ധ സമിതികളുടെ അന്വേഷണം പുരോഗമിക്കുകയാണ്. എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോ ഇന്നും സ്ഥലത്ത് സന്ദര്ശനം നടത്തി. വിമാന ദുരന്തം അന്വേഷിക്കാന് നിയോഗിച്ച പ്രത്യേക സമിതിയും അന്വേഷണം ആരംഭിച്ചു.


