മലപ്പുറം: പി വി അന്വറിന്റെ അനുയായിയും ഡിഎംകെ പ്രവര്ത്തകനുമായ ഇ എ സുകുവിനെ കസ്റ്റഡിയിലെടുത്ത് പൊലീസ്. നിലമ്പൂര് ഡിഎഫ്ഒ ഓഫീസ് അടിച്ചു തകര്ത്ത കേസിലാണ് സുകുവിനെയും കസ്റ്റഡിയിലെടുത്തിരിക്കുന്നതെന്നാണ് വിവരം. എഫ്ഐആറില് അന്വറും കണ്ടാലറിയാവുന്ന പത്ത് പേരും എന്നാണ് രേഖപ്പെടുത്തിയിരുന്നത്.
അതില് അന്വറടക്കം 5 പേരെ ഞായറാഴിച്ച അറസ്റ്റ് ചെയ്തിരുന്നു. അവശേഷിക്കുന്ന ആറ് പേരില് ഒരാളായിട്ടാണ് ഇന്ന് സുകുവിനെ പൊലീസ് കസ്റ്റഡിയിലെടുത്തിരിക്കുന്നത്. എടക്കര പൊലീസ് നിലമ്പൂരില് കോടതിപ്പടിയില് നിന്നുമാണ് ഇദ്ദേഹത്തെ കസ്റ്റഡിയില് എടുത്തത്. കഴിഞ്ഞ ദിവസം സമരയാത്ര നടക്കുന്ന സമയത്തും അന്വറിനൊപ്പം സജീവമായി ഉണ്ടായിരുന്ന ആളാണ് ഇ എ സുകു.


