നടിയെ ആക്രമിച്ച കേസ് അന്വേഷിച്ച ഉദ്യോഗസ്ഥരെ വധിക്കാന് ഗൂഢാലോചന നടത്തിയ കേസില് ഹൈക്കോടതി ആവശ്യപ്പെട്ടപ്രാകരം ദിലീപും ബന്ധുക്കളും ആറ് ഫോണുകളും കോടതിയില് ഹാജരാക്കി. പ്രത്യേക സീല് ചെയ്ത കവറിലാണ് ഫോണുകള് ഹാജരാക്കിയത്. മുംബൈയില് നിന്ന് എത്തിച്ച രണ്ട് ഫോണും അഭിഭാഷകരുടെ കൈയിലുണ്ടായിരുന്ന നാല് ഫോണുകളുമാണ് ജൂനിയര് അഭിഭാഷകന് മുഖേന എത്തിച്ചത്.
ഇതില് മൂന്ന് ഫോണുകള് ദിലീപിന്റേതും ബാക്കിയുള്ളവ സഹോദരന് അനൂപ്, സഹോദരി ഭര്ത്താവ് സുരാജ് എന്നിവരുടേതാണ്. ഫോണ് പരിശോധിക്കാന് ഹൈക്കോടതി ഇന്ന് ഏജന്സിയെ നിശ്ചയിക്കും. രാവിലെ പത്തേകാലിന് മുമ്പായി ആറു മൊബൈല് ഫോണുകളും രജിസ്ട്രാര് ജനറലിന് മുന്നില് ഹാജരാക്കാനായിരുന്നു ദിലീപിനോടും മറ്റുപ്രതികളോടും ഹൈക്കോടതി നിര്ദേശിച്ചത്. ഇത് പ്രകാരമാണ് ഫോണുകള് ഹാജരാക്കിയത്.
