Fri. Mar 29th, 2024

വിരമിച്ച അധ്യാപക ദമ്പതികളെ വീടിൻ്റെ സമീപത്തെ വിറക് പുരയിൽ മരിച്ച നിലയിൽ കണ്ടെത്തി. മേപ്പയൂർ പട്ടോന കണ്ടി പ്രശാന്തിയിൽ കെ കെ ബാലകൃഷ്ണനെ(72)യും ഭാര്യ കുഞ്ഞിമാത(67)യെയുമാണ് മരിച്ച നിലയിൽ കണ്ടെത്തിയത്. ചിങ്ങപുരം സി കെ ജി ഹൈസ്കൂളിൽ നിന്ന് വിരമിച്ച അധ്യാപകനായിരുന്നു ബാലകൃഷ്ണൻ. ഇരിങ്ങത്ത് യു പി സ്കൂളിൽ നിന്നാണ് കുഞ്ഞിമാത വിരമിച്ചത്.

മേപ്പയൂർ എസ് ഐ. കെ ഉണ്ണികൃഷ്ണൻ്റെ നേതൃത്വത്തിലുള്ള പോലീസ് സ്ഥലത്തെത്തി. ആത്മഹത്യയാണെന്നാണ് പോലീസിൻ്റെ നിഗമനം. പോസ്റ്റ്മോർട്ടത്തിനായി മൃതദേഹങ്ങൾ ആശുപത്രിയിലേക്ക് മാറ്റി.

മക്കൾ: അഭിലാഷ് (അധ്യാപകൻ, കന്നൂർ യു പി സ്കൂൾ), അഖിലേഷ്. മരുമകൾ: രമ്യ (അധ്യാപിക, മേപ്പയൂർ എൽ പി സ്കൂൾ).