സുരാജ് വെഞ്ഞാറമ്മൂട് നായകനാകുന്ന കുട്ടന് പിള്ളയുടെ ശിവരാത്രിയിലെ രണ്ടാമത്തെ പാട്ട് പുറത്തിറങ്ങി. സുരാജ് ആലപിച്ച ഗാനത്തിന്റെ വീഡിയോ റിലീസ് ചെയ്തത് മോഹന്ലാലാണ്. ശിവനേ എന്റെ ശിവനേ എന്നു തുടങ്ങുന്ന ഗാനം ഇപ്പോള് വൈറലായിരിക്കുകയാണ്. ഗായിക സയനോര ഫിലിപ്പ് ആദ്യമായ് സംഗീത സംവിധാനരംഗത്തേക്ക് ചുവട് വെക്കുന്നു എന്ന പ്രത്യേകതയും ചിത്രത്തിനുണ്ട്.
ജോസെലെറ്റ് ജോസഫിന്റെ തിരക്കഥയില് ജീന് മാര്ക്കോസാണ് ചിത്രം സംവിധാനം ചെയ്തിരിക്കുന്നത്. ആലങ്ങാട്ട് പ്രൊഡക്ഷന്സിന്റെ ബാനറില് രാജി നന്ദകുമാര് നിര്മ്മിച്ചിരിക്കുന്നത്. ബിജു സോപാനം, മിഥുന് രമേശ്, ശ്രിദ്ധ, ശ്രീകാന്ത് മുരളി, ജെയിംസ് ഏലിയാസ്, മിധുന് രമേശ്, കൊച്ചുപ്രേമന് എന്നിവരും അണിനിരക്കുന്നു.