തിരുവനന്തപുരം: പ്രശസ്ത സിനിമാ നിർമാതാവ് പി. സ്റ്റാൻലി അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. 81 വയസായിരുന്നു. തിരുവനന്തപുരം നാലാഞ്ചിറയിലെ വസതിയിൽ വെച്ചാണ് മരണം സംഭവിച്ചത്. തൂവാനത്തുമ്പികൾ, മോചനം, തീക്കളി, വരദക്ഷിണ തുടങ്ങിയ പ്രശസ്ത ചിത്രങ്ങളുടെ നിർമാതാവാണ്.
മൂന്ന് ദശാബ്ദകാലം മദ്രാസിൽ സിനിമാ മേഖലയിൽ പ്രവർത്തിച്ചു. എ. വിൻസെന്റ്, തോപ്പിൽ ഭാസി എന്നിവർക്കൊപ്പം പ്രവർത്തിച്ചിട്ടുണ്ട്. 25 സിനിമകളുടെ സഹ സംവിധായകനായിരുന്നു. സംസ്കാരം ശനിയാഴ്ച ഉച്ചക്ക് 12ന് മുട്ടട ഹോളി ക്രോസ് ചർച്ചിൽ നടക്കും.


