കോഴിക്കോട്: കോഴിക്കോട് ഈങ്ങാപ്പുഴ കക്കാട് ഭാര്യയെ ഭര്ത്താവ് വെട്ടിക്കൊലപ്പെടുത്തി. കക്കാട് സ്വദേശിനി ഷിബിലയാണ് കൊല്ലപ്പെട്ടത്. കൃത്യം നടത്തിയ ശേഷം ഭര്ത്താവ് യാസര് രക്ഷപ്പെട്ടു. ഇയാളുടെ ആക്രമണത്തില് ഷിബിലയുടെ മാതാവ് ഹസീന, പിതാവ് അബ്ദു റഹ്മാന് എന്നിവര്ക്ക് പരുക്കേറ്റു.
ഇന്ന് വൈകിട്ടാണ് സംഭവം. വീട്ടില് എത്തി കയ്യില് കരുതിയിരുന്ന കത്തി ഉപയോഗിച്ച് ഇയാള് ഷിബിലയെ വെട്ടുകയായിരുന്നു. ആക്രമണം തടയാന് ശ്രമിക്കുന്നതിനിടെ ഹസീനയ്ക്കും അബ്ദു റഹ്മാനും വെട്ടേല്ക്കുകയായിരുന്നു. ഹസീനയെ താമരശ്ശേരി താലൂക്ക് ആശുപത്രിയിലും അബ്ദു റഹ്മാനെ കോഴിക്കോട് മെഡിക്കല് കോളേജ് ആശുപത്രിയിലും പ്രവേശിപ്പിച്ചു.
യാസറിനും ഷിബിലയ്ക്കുമിടയില് വഴക്ക് പതിവായതോടെ ഷിബില സ്വന്തം വീട്ടിലേക്ക് താമസം മാറ്റിയിരുന്നു. നേരത്തേ യാസറിന്റെ ഭാഗത്തുനിന്ന് ഭീഷണിയുണ്ടെന്ന് ചൂണ്ടിക്കാട്ടി ഷിബിലയും കുടുംബവും താമരശ്ശേരി പോലീസില് പരാതി നല്കിയിരുന്നു.


