കൊച്ചി: അമ്മ ഭരണ സമിതിയിലെ ചില ഭാരവാഹികള് നേരിട്ട ലൈംഗികാരോപണങ്ങളുടെ പശ്ചാത്തലത്തില് ധാര്മിക ഉത്തരവാദിത്വം മുന് നിര്ത്തി പ്രസിഡന്റ് സ്ഥാനം രാജിവെക്കുന്നുവെന്ന് മോഹന്ലാലിന്റെ വാര്ത്താക്കുറിപ്പ്.
രണ്ടു മാസത്തിനുള്ളില് പൊതുയോഗം കൂടി, പുതിയ ഭരണ സമിതിയെ തിരഞ്ഞെടുക്കും. ‘അമ്മ’ ഒന്നാം തീയതി നല്കുന്ന കൈനീട്ടവും ആരോഗ്യ ചികിത്സയ്ക്ക് നല്കിപ്പോരുന്ന സഹായവും ‘അമ്മ’യുടെ സമാദരണീയരായ അംഗങ്ങള്ക്ക് തടസ്സം കൂടാതെ ലഭ്യമാക്കുമെന്നും വാര്ത്താക്കുറിപ്പില് പറയുന്നു.
അമ്മ’യെ നവീകരിക്കാനും, ശക്തിപ്പെടുത്തുവാനും കെല്പുള്ള പുതിയൊരു നേതൃത്വം ‘അമ്മ’യ്ക്കുണ്ടാവുമെന്ന ശുഭപ്രതീക്ഷയിലാണ് ഞങ്ങൾ. എല്ലാവർക്കും നന്ദി, വിമർശിച്ചതിനും തിരുത്തിയതിനും എന്നും പറഞ്ഞാണ് കുറിപ്പ് അവസാനിക്കുന്നത്.


