മഞ്ചക്കണ്ടിയിലെ മാവോയിസ്റ്റ് ഏറ്റുമുട്ടലിനെതിരെ ലഘുലേഖകള് വിതരണം ചെയ്ത സിപിഎം പ്രവര്ത്തകരായ രണ്ട് നിയമ വിദ്ധ്യാർത്ഥികൾ കോഴിക്കോട് അറസ്റ്റില്. സിപിഎമ്മിന്റെ ബ്രാഞ്ച് കമ്മിറ്റി അംഗങ്ങളായ അലയ്ന് ഷുഹൈബ്, താഹ ഫസല് എന്നിവരാണ് അറസ്റ്റിലായത്. ഇരുവരും കോഴിക്കോട് സ്വദേശികളാണ്.ഇരുവര്ക്കും എതിരെ യുഎപിഎ ചുമത്തിയിട്ടുണ്ട്.
പാലക്കാട് മഞ്ചക്കണ്ടി ഏറ്റുമുട്ടല് കൊലപാതകത്തില് പ്രതിഷേധിച്ചുള്ള ലഘുലേഖകള് വിതരണം ചെയ്തതിനാണ് ഇവരെ അറസ്റ്റ് ചെയ്തിരിക്കുന്നതെന്നാണ് പോലീസ് പറയുന്നത്. പന്തീരാങ്കാവില് നിന്ന് വെള്ളിയാഴ്ച രാത്രിയായിരുന്നു അറസ്റ്റ്. നിരവധി മാവോയിസ്റ്റ് അനുകൂല ലഘുലേഖകള് ഇവരില്നിന്ന് പിടിച്ചെടുത്തതായി പോലീസ് പറയുന്നു.
കണ്ണൂര് സര്വകലാശാലയില് നിയമ വിദ്യാര്ഥികളാണ് രണ്ടുപേരും.എസ്എഫ്ഐ പ്രവർത്തകരും പാർട്ടി മെമ്പർഷിപ്പ് ഉള്ളവരുമാണെങ്കിലും നിരോധിത തീവ്ര ഇടതുപക്ഷ സംഘടനയുമായി ബന്ധമുള്ളവരാണ് ഇവരെന്നാണ് പോലീസ് പറയുന്നത്. കോഴിക്കോട് സൗത്ത് മുന് എസ്എഫ്ഐ ഏരിയാ കമ്മിറ്റി അംഗമായിരുന്നു അറസ്റ്റിലായ അലയ്ന് ഷുഹൈബ് എന്ന് പോലീസ് പറഞ്ഞു.
അതേസമയം മാവോയിസ്റ്റ് ബന്ധം ആരോപിച്ച് രണ്ട് സിപിഎം പ്രവര്ത്തകരെ അറസ്റ്റ് ചെയ്ത സംഭവത്തില് അന്വേഷണം വേണമെന്ന് സിപിഎം ജില്ലാ നേതൃത്വം ആവശ്യപ്പെട്ടു. അറസ്റ്റില് സമഗ്ര അന്വേഷണം വേണമെന്ന് സിപിഎം കോഴിക്കോട് ജില്ലാ സെക്രട്ടറി പി മോഹനന് പറഞ്ഞു. കേസിന്റെ തുടക്കം തന്നെ യുഎപിഎ ചുമത്തുന്നത് അംഗീകരിക്കാനാകില്ലെന്നുംഅദ്ദേഹം കൂട്ടിച്ചേര്ത്തു.സിപിഎമ്മിന്റെ ബ്രാഞ്ച് കമ്മിറ്റി അംഗങ്ങളായ അലയ്ന് ഷുഹൈബ്, താഹ ഫസല് എന്നിവരാണ് അറസ്റ്റിലായത്. ഇരുവരും കോഴിക്കോട് സ്വദേശികളാണ്.
