Fri. Apr 19th, 2024

അല്‍ഹം ശരണം ഡിങ്കലൂയ!!!

രണ്ടായിരം വർഷങ്ങൾക്ക് മുൻപ് ഒരാൾക്കൂട്ടം നീതിപീഠത്തേയും പീലാത്തോസിനെയും നോക്കി ആർത്ത് വിളിച്ചു പറഞ്ഞു.”ബറാ ബാസിനെ വെറുതേ വിടുക യേശുവിനെ കുരിശിലേറ്റുക.വർഷം രണ്ടായിരം കഴിഞ്ഞിട്ടും ആൾക്കൂട്ടങ്ങൾക്ക്‌ മാറ്റമുണ്ടായിട്ടില്ല. “Eli Eli Lama Sabachthani?” “എൻറെ ദൈവമേ, എൻറെ ദൈവമേ, എന്തിനെന്നെ കൈവിട്ടു?”എലിയാണ് തൻറെ ദൈവമെന്ന് തിരിച്ചറിഞ്ഞ്, ആ വിശുദ്ധ എലിയായ ഡിങ്കനെ വിളിച്ച്, കുരിശില്‍ കിടന്ന് വിലപിച്ച മഹാനായ ഡിങ്കോയിസ്റ്റായിരുന്നു യേശു.

ബൈബിൾ അച്ചടി നിർത്തിവെക്കുക

വി: ലൂക്കായുടെ സുവിശേഷത്തിൽ യേശുവിനെപ്പറ്റി എന്തെല്ലാമാണ് എഴുതി വെച്ചിരിക്കുന്നത്? യേശു ,വേശ്യയായ മഗ്ദ്ദലനമറിയത്തിന്റെ വീട്ടിൽ പോയി എന്നൊക്കെ.യേശു അവിടെ പോയിട്ടില്ല. യേശു അങ്ങിനെ പോകുന്നവനുമല്ല.യേശുവിന് ഒരു സംസ്കാരമുണ്ട്. അതിനെ ധിക്കരിച്ച് ജീവിക്കുന്ന ആളല്ല യേശു

ദയവായി സുവിശേഷകന്റെ ലൈംഗിക ദാരിദ്രം യേശുവിന്റെ മേൽ കെട്ടിവെക്കരുത്.

വി ലൂക്കായുടെ വീട്ടിലുള്ള അപ്പനും അനിയനും ആങ്ങളമാരും അപ്പൂപ്പൻമാരും അളിയനുമൊക്കെ ഇങ്ങനെയുള്ളവരാണോ എന്ന് ലൂക്കാ ചിന്തിക്കണമായിരുന്നു.ബൈബിൾ അച്ചടി നിർത്തിവെക്കുക.

എന്താണ് സംസ്കാരം? സംസ്കരിച്ചെടുത്തതെല്ലാം സാംസ്കാരികമാണ്

സ്വന്തം സംസ്കാരം ശ്രേഷ്ഠമെന്ന് പ്രഖ്യാപിക്കാനുള്ള എളുപ്പവഴി മറ്റുള്ളവരുടെ സംസ്കാരം മോശമെന്ന് സ്ഥാപിക്കലാണ്.

‘ചന്തപ്പിള്ളേരുടെ സംസ്കാരം’,’മുക്കു വരടെ സംസ്‌കാരം’,’വേശ്യയുടെ സംസ്കാരം’, ‘തോട്ടിപ്പണിക്കാരന്റെ സംസ്കാരം’എന്നൊക്കെ വിളിച്ച് മറ്റുള്ളവരെ അങ്ങു ഇകഴ്ത്തും. എന്നാലോ ആവശ്യം വന്നാൽ അപ്പോ അവരുടെ സഹായം തേടും.സ്വന്തം കാര്യം നടത്തും. പിന്നെയും വന്ന് അവരുടെ സംസ്കാരത്തെ പുശ്ചിക്കും. അവർ സമൂഹത്തിന്റെ ഭാഗമാണ്

സമൂഹത്തിൽ അവർ ചെയ്യുന്ന ജോലികളോ ജാതിയോ നിങ്ങളെക്കാളും മോശമെന്ന് കരുതുവാൻ നിങ്ങൾക്കെന്താ അവകാശം’? അവരു വളരുന്നതും ജീവിക്കുന്നതുമായ സാഹചര്യങ്ങളിലൂടെ രൂപപ്പെട്ടു വരുന്നതാണത്.

നിങ്ങൾക്ക് മോശമായി തോന്നുന്നതെല്ലാം പൂർണ്ണമായും മോശമാണെന്ന് നിങ്ങൾ സ്ഥാപിക്കുന്നതെന്തിന്?

എന്റെ നാട്ടിൽ വള്ളവും ബോട്ടുമൊക്കെ പണിയുന്നതിനായി വലിയ ആഞ്ഞിലിത്തടി വെട്ടാറുണ്ട്. അത് ഇടമുറിക്കാതെയാണ് ലോറിയിൽ കയറ്റി കൊണ്ടു പോവുക.ഇത് ലോറിയിൽ കയറ്റാൻ പാലായിൽ നിന്നുള്ള ഘടാഘടിയൻമാരായ കട്ടൻസ് തൊഴിലാളികളാണ് വരിക.വലിയ അദ്ധ്വാനമുള്ള ജോലി…!

തടി ലോറിയിൽ കയറ്റാൻ നേരം ഐലസാ പറയാൻ അവര് പാടണ പാട്ടുകൾ സ്ത്രീവിരുദ്ധവും അശ്ളീലവുമാണ്.

പാലായിൽ ഏലി
പാലത്തെക്കേറി
പാലം കുലുങ്ങി
പാവാട പൊങ്ങി
………………”””””
(അവസാന വരി എഴുതുന്നില്ല.അറിയാൻ ആഗ്രഹമുള്ളവർ ഇൻബോക്സിൽ ചോദിച്ചാൽ പറയുന്നതാണ്)

ഇതൊരു സാമ്പിളാണ്.നിങ്ങൾക്ക് / നമ്മൾക്ക് അയ്യേ എന്നു വിളിക്കാം.ഇങ്ങനൊക്കെ പാടാമോ എന്ന് ചോദിക്കാം. ഇവർക്ക് ഈ പാട്ടു മാറ്റി വീഷാൽ ഓവർക്കം അല്ലെങ്കിൽ വന്ദേ മാതരംപാടിക്കൂടെ എന്ന് ചോദിക്കാം.

പക്ഷെ ആ സംസ്കാരവും പാട്ടുകളും അവരുടെ ജോലി ഭാരം കുറയ്ക്കാൻ രൂപപ്പെട്ട് വന്ന ഒന്നാണ് ‘ ഒറ്റയടിക്ക് മാറാനാവില്ല.

വേശ്യയുടെ സംസ്കാരം എന്ന് വിളിച്ചു കാണാറുണ്ട്

വേശ്യ ഇടപാടുകാരനോട്” മകനെ ഇത്രയും നേരം നീ ഗണികാ ഗൃഹം സന്ദർശിച്ചതിന്റെയും ഞാൻ നിന്നെ ആനന്ദലബ്ദിയിൽ ആറാടിച്ചതിന്റെയും പ്രതിഫലം നൽകി മടങ്ങിയാലും “എന്ന് പറഞ്ഞാൽ കാശ് കിട്ടുമോ

വെച്ചിട്ടു പോടാ ———– മോനെ കാശ് എന്നു തന്നെ പറയണം

കാരണം അവരെ സമീപിക്കുന്ന ഇടപാടുകാര് നിങ്ങളുടെ അത്ര സോഫ്റ്റ് ഹൃദയമുള്ളവരാവണമെന്നില്ല.

ആദ്യം പറഞ്ഞ ഡയലോഗ് കഥയിലോ നോവലിലോ എഴുതി വെക്കാം. പക്ഷെ യാഥാർത്ഥ്യമതല്ല’

ഷാപ്പിലെ ജോർജേട്ടൻ മകനെ, സോമലതനുകർന്നതിന്റെ പണം തന്നാലും എന്ന് ആവശ്യപ്പെടുന്നതായി നോവലിൽ എഴുതി വെക്കാം പക്ഷെ അവിടുള്ള സംസ്കാരം അതല്ല. അത് ജോർജേട്ടൻ ഉണ്ടാക്കിയതല്ല രൂപപ്പെട്ട് വന്നവയാണ്.

പോലീസിൽ വിദ്യാഭ്യാസമുള്ളവർ വന്നു. തെറി വിളിക്കുന്ന സ്വഭാവം കുറെ മാറി. പക്ഷെ മുഴു വൻ മാറിയോ മാറിയില്ല.എന്നു വെച്ച് അത് മോശം സംസ്കാരമെന്ന് മാറ്റി നിർത്താനാവുമോ?

മലയാളത്തിൽ മാത്രമല്ല സാക്ഷാൽ മാർപ്പാപ്പ ഇരിക്കുന്ന വത്തിക്കാനിൽ വരെ തെറി വിളിയുണ്ട്.

ഇമോഷണൽ ഡിസ്ചാർജിനായി പാർശ്വവത്കരിക്കപ്പെട്ട വാക്കുകളാണ് തെറികൾ. അതും സംസ്കാരത്തിന്റെ ഭാഗമാണ്.സന്ദർഭവും സാഹചര്യവും അനുസരിച്ച് വിളിക്കണമെന്ന് മാത്രം. നിങ്ങളുടെ ഇമോഷണൽ ബാലൻസിനായി എതിർകക്ഷി കേൾക്കാതെ അമർഷത്തിൽ വിളിക്കപ്പെട്ടിട്ടുള്ള തെറികൾ അന്തരീക്ഷത്തിൽ മോക്ഷം കിട്ടാതെ അലയുന്നുണ്ടാവണം

നിങ്ങൾ വിളിക്കാറില്ല നിങ്ങൾക്ക് അതറിയില്ല നിങ്ങൾക്ക് അതിഷ്ടമല്ല എന്നതിന്റെ പേരിൽ അവരൊക്കെയും സംസ്കാരത്തിന് പുറത്താണ് എന്ന് മാർജിന ലൈസ് ചെയ്തു നിർത്താൻ നിങ്ങൾക്ക് അവകാശ മൊട്ടുമില്ല താനും.

” കപ്പ”

ഡിങ്ക ഭഗവാന്റെ ഇഷ്ട ഭക്ഷണമായതുകൊണ്ടും ഭൂമിദേവിയുടെ മടിത്തട്ടിൽ വളരുന്നതു കൊണ്ടും ഇതര മതക്കാർവർജ്ജിക്കുന്നത് ഡിങ്കനും ഡിങ്ക മതക്കാർക്കും ഉത്തമം
(വില കുറച്ച് കിട്ടും)

കാച്ചിൽ ഭൂമിയിൽ വളരുന്നുവെങ്കിലും കാച്ചിൽവള്ളി അരയാൽ ഏഴിലം പാല പോലുള്ള
ദേവചൈതന്യ മുള്ള വൃക്ഷങ്ങളിൽ പടർന്നു കയറുന്നത് ഇതര മതക്കാർവർജിക്കുന്നത് ഡിങ്ക മതക്കാർക്ക് ഉത്തമം

തെക്കുവടക്കോ കിഴക്കുപടിഞ്ഞാറോ സൂര്യഭഗവാന് ലംബമായോനിൽക്കുന്ന ചേന ഇതര മതക്കാർ കഴിക്കരുത്. അവർക്ക് ചൊറിച്ചിലുണ്ടാക്കും.

“കണ്ണൻ ചേമ്പിൽ കണ്ണനുള്ള തിനാൽ വർജ്ജിക്കുന്ന ഇതര മതക്കാർക്ക് ചൊറിയൻ ചേമ്പാണ് ഉത്തമം.

ഭക്ഷണ പൂജാ കാര്യങ്ങളിൽ ഇതരമതങ്ങൾ പുലർത്താറുള്ള നിഷ്കുകൾ ഡിങ്കമതത്തിന് നിർബന്ധമില്ല

” ഭക്ഷണോ നവർജ്യ മുദ്ദചൃ
കപ്പയോ മീനോബോട്ടി
ന: വിഷആഹാരമാച”
(വി. ബാ: മ8:36)

റേഷൻ ചാക്കരി മുതൽ കപ്പയും ബോട്ടിയും ഉണക്കമീനും വരെ എന്തും നിവേദ്യമായി സ്വീകരിക്കുകയും ആഹാരമാക്കുകയും ചെയ്യുന്ന ഏക ഭഗവാൻ ഡിങ്കൻമാത്രമാണെന്നിരിക്കെ ഡിങ്ക ഭക്തർക്കും വിഷം അടക്കം എന്തും കഴിക്കാം എന്ന് ബാലമംഗളം പറയുന്നു

” കഴിക്കാം വിഷവും തെല്ലും
കൊടുക്കരുതപരന്നെഹനിപ്പാൻ “
(വി ബാ: മ6:34)

എലിവിഷം കഴിച്ചു മരിക്കുന്നതിനെ ഭഗവാൻ എതിർക്കുന്നില്ല
മറിച്ച് എലിവിഷം അപരനെ അപായപ്പെടുത്തുവാൻ ഉപയോഗപ്പെടുത്തുന്നതിനെ ഡിങ്ക ഭഗവാൻ വിമർശിക്കുന്നു .
(വി: ബാ: മ 13:26)

ആയതിനാൽ സത്യം സത്യമായി ഞാൻ നിങ്ങളോട് പറയുന്നു,
മനുഷ്യജീവിതം ക്ഷണികമാണ്. കൊതിയുള്ളതെല്ലാം വാങ്ങിച്ചു തിന്നുകൊള്ളുക.
ദൈവത്തെപ്പേടിച്ച് ഭൂമിയിൽ ജീവിക്കുന്നവരെ ദൈവം പോലും വെറുതെ വിടില്ല

ഡിങ്ക മത വിശ്വാസികൾക്ക് യാതൊരു ഭക്ഷണവും വർജ്യമല്ല
എന്ന് ബാലമംഗളത്തിലെ തിരുവെഴുത്തുകൾ.

ഡിങ്കഹിതപ്രകാരം

ഡിങ്ക തന്ത്രികൾ: കണ്ഠരര് മൂഷികരര് ഫിലിപ്പരര് (ഒപ്പ് )

ശാസ്ത്രീയമായ പരിശീലനം ലഭിച്ച വെബ് ഡെവലപ്പര്‍മാർ, വെബ് ഡിസൈനര്‍മാർ, കണ്ടന്റ് എഡിറ്റര്‍മാർ Phone: 6282485622