Sat. Nov 21st, 2026

 ഫിലിപ്പ് ജേക്കബ് 

കർണ്ണാടകത്തിലെ കോൺഗ്രസ് നേതാക്കളുടെ ശ്രദ്ധയ്ക്ക് നിങ്ങൾ ഉടനടി മലയാളം പഠിച്ച് എഫ് ബി അക്കൗണ്ട് തുറന്ന് മലയാളി സഘാക്കൻമാരുടെ നിർദ്ധേശങ്ങൾ വായിക്കണം.നിങ്ങൾ ഇനി എങ്ങിനെ നീങ്ങണമെന്ന് തെക്കുപുറം ലോക്കൽ സെക്രട്ടറി ശശി ഉൾപ്പെടെയുള്ളവരുടെ നിർദ്ധേശ ങ്ങൾ എഫ് ബി യിൽ ലഭ്യമായിത്തുടങ്ങിയിട്ടുണ്ട്. ശ്രദ്ധിക്കുക. വേണ്ടത് ചെയ്യുക.

ആരിത് പറയുവതറിയാമോ? ഫാസിസത്തെ തോൽപ്പിക്കാൻ ആരോടും കൂട്ട് കൂടാതെ 28 സീറ്റിൽ ഒറ്റയ്ക്ക് പൊരുതിയ നമ്മളാ…ഫാസിസം തോറ്റില്ല…നമ്മള് തോറ്റ്…!

പക്ഷെ ഇനി എന്നാ വേണന്ന് പറഞ്ഞു തരാം. എപ്പടി?

ഉളുപ്പുണ്ടോ ശശിയണ്ണാ ഇത്തിരി വെളിവെടുക്കാൻ?

ഫ്ലാഷ് ബാക്ക് ഇങ്ങനെ

കര്‍ണാടകയില്‍ ഇത്തവണ കൂടുതല്‍ സീറ്റില്‍ മത്സരിച്ച് ശക്തി തെളിയിക്കാനായിരുന്നു സിപിഐഎം ശ്രമിച്ചത്. 224 സീറ്റുകളുള്ള കര്‍ണാടകയിലെ 19 സീറ്റിലാണ് സിപിഎം മത്സരിച്ചത്. ശക്തി തെളിയിക്കാനായി ഇറങ്ങി തിരിച്ച സിപിഎമ്മിന് 19 സീറ്റുകളിലായി മൊത്തം വോട്ടിന്റെ 0.2 ശതമാനം മാത്രമാണ് ലഭിച്ചത്.

ഇതില്‍ മൈസൂര്‍ മേഖലയില്‍ സിപിഎമ്മിന് സ്വാധീനമുണ്ടെന്ന് കരുതിയ മേഖലയില്‍ ദയനീയ തോല്‍വിയാണ് ഉണ്ടായത്. മുഖ്യമന്ത്രി പിണറായി വിജയന്‍ മൈസൂരില്‍ നടത്തിയ പ്രസംഗം വാര്‍ത്തകളില്‍ ഇടം നേടിയിരുന്നു. ബ്രണന്‍ കോളേജിലെ ഊരി പിടിച്ച വാളിന്റെ കഥ പറഞ്ഞ പ്രസംഗത്തില്‍ മൈസൂരില്‍ ആയിരക്കണക്കിന് പ്രസംഗം കേള്‍ക്കാന്‍ ഉണ്ടായിരുന്നത്. എന്നാല്‍ ഇവിടെ നിന്നും സിപിഎമ്മിന് ലഭിച്ചത് ആകെ 200 വോട്ടുകളാണ്.

19 സീറ്റുകളില്‍ ഒരു സീറ്റില്‍ മാത്രമാണ് ഭേദപ്പെട്ട പ്രകടനം എങ്കിലും കാഴ്ചവെക്കാന്‍ സിപിഎമ്മിന് കഴിഞ്ഞത്. സിപിഎം ഇത്തവണ ഏറെ പ്രതീക്ഷ പുലര്‍ത്തിയ ഒരു മണ്ഡലമായിരുന്നു ബഗേപ്പള്ളി. സംസ്ഥാന സെക്രട്ടറി ജി വി ശ്രീരാമറെഡ്ഡി വിജയ പ്രതീക്ഷയോടെയാണ് ഇവിടെ ഇത്തവണ മത്സരിച്ചത്. എന്നാല്‍ മുന്‍ വര്‍ഷങ്ങളിലെ പോലെ 14,013 വോട്ടുകള്‍ക്ക് കോണ്‍ഗ്രസിലെ സുബ്ബാറെഡ്ഡിയോട് തോല്‍ക്കുകയായിരുന്നു. 51697 വോട്ട് നേടിയത് ശ്രീരാമറെഡ്ഡിയാണ് മാന്യമായ മത്സരം സിപിഎമ്മിനായി കാഴ്ചവെച്ചത്. ബിജെപിയാകട്ടെ 4140 വോട്ടുകള്‍ മാത്രം നേടി മൂന്നാമതുമായി.

ബാക്കി 18 സീറ്റിലും കെട്ടി വെച്ച കാശ് നഷ്ടപ്പെട്ട അവസ്ഥയാണ്. 19 മണ്ഡലങ്ങളിലായി സിപിഎമ്മിന് ലഭിച്ചത് 81,191 വോട്ടുകളാണ്. ഇതില്‍ ശ്രീരാമറെഡ്ഡി നേടിയ 51,697 വോട്ടുകള്‍കുറച്ചാല്‍ 18 മണ്ഡലങ്ങളിലായി സിപിഎമ്മിന് ലഭിച്ചത് വെറും 29,494 വോട്ടുകള്‍ മാത്രം.

ഇപ്പോൾ ദേ കോൺഗ്രസിന്റെ പതനത്തില് ഞങ്ങള് ദു:ഖിക്കൊന്നൊണ്ടെന്ന് പറയാമ്പറഞ്ഞ്…ഒരു മാതിരി ചത്ത വീട്ടില് മരിച്ചവൻ വന്ന് കുർബാനചൊല്ലണ പോലെ…!

പിൻ കുറിപ്പ്:

അതേ അതാവണം ജനാധിപത്യം’ കുമാരസ്വാമിയെ കോൺഗ്രസും ബിജെപിയും പിന്തുണക്കണം നാട് നന്നാവട്ടെ. കണ്ണ് നിറയുന്നുശ്ശൊ ! തോൽപ്പിച്ചു കളഞ്ഞല്ലോ ഉണ്ണികളെ നിങ്ങൾ (കവിയൂർ പൊന്നമ്മ ടോണിൽ വായിക്കണം)നാണം വരുന്നു ഉത്തമനും. ഇവരെയാണല്ലോ നമ്മൾ ഇതുവരെ കുറ്റം പറഞ്ഞത്? പ്ലിംഗ്‌!