സെറ്റ് സാരിയുടുത്ത് മുടിയൊക്കെ സ്ട്രെയിറ്റ് ചെയ്ത് ആഭരണങ്ങള് ഒക്കെയണിഞ്ഞ രാജേശ്വരിയുടെ ചിത്രങ്ങളാണ് ഇപ്പോള് സോഷ്യല് മീഡിയയില് വൈറലായിരിക്കുന്നത്. പെരുമ്പാവൂരില് കൊല്ലപ്പെട്ട നിയമ വിദ്യാര്ത്ഥിനി ജിഷയുടെ അമ്മയുടെ മേക്ക് ഓവര് ചിത്രങ്ങളാണ് വിമർശന വിധേയമാവുന്നത്.ജിഷയുടെ മരണ ശേഷം അമ്മ രാജേശ്വരിയുടെത് ആഡംബര ജീവിതമാണെന്നാണ് ആരോപണം. എന്നാൽ താൻ ലളിതമായാണ് ജീവിക്കുന്നതെന്ന് രാജേശ്വരി അവകാശപ്പെടുന്നു.
ജിഷ കൊലപാതക കേസിന്റെ വിധി വരുന്ന ദിവസം കോടതിയിലെത്തിയ രാജേശ്വരിയുടെ രൂപമാറ്റവും ഭാവമാറ്റവും ഒരുവിഭാഗം ആളുകള് അന്നേ ചര്ച്ചയാക്കിയിരുന്നു. മകളുടെ മരണത്തിന്റെ പേരില് ലഭിച്ച പണം ധൂര്ത്തടിക്കുകയാണെന്നായിരുന്നു ആക്ഷേപം. ആക്ഷേപങ്ങളോട് രാജേശ്വരി പ്രതികരിച്ചത് ഇങ്ങനെയായിരുന്നു:

എന്റെ മകളെ ക്രൂരമായി കൊന്നു. ഏതെങ്കിലും അമ്മയ്ക്ക് സ്വന്തം മകള് മരിച്ച് കിടക്കുന്ന വേദനയില് സ്വന്തം രൂപത്തെ കുറിച്ച് ചിന്തിക്കാന് കഴിയുമോ. ജീവിതത്തിന്റെ രണ്ടറ്റം കൂട്ടിമുട്ടിക്കാന് പല വീടുകളിലും ജോലി ചെയ്ത് നടന്നു. കഷ്ടപ്പാടിനിടയില് എന്റെ രൂപത്തെക്കുറിച്ചൊന്നും ഞാന് ആലോചിച്ചിട്ടില്ല. മകളുടെ മരണശേഷം എന്റെ വീടിന് മുന്നില് രണ്ടു പൊലീസുകാര് എപ്പോഴും കാവലുണ്ടായിരുന്നു. വിശപ്പില്ലെങ്കിലും അവര് എനിക്ക് ഭക്ഷണം എത്തിച്ചു നല്കിയിരുന്നു. അതിന്ശേഷം പണിക്ക് പോകാന് പറ്റിയിട്ടില്ല, വീട്ടില് തന്നെയാണ് എപ്പോഴും. അതൊക്കെ കൊണ്ടായിരിക്കും മാറ്റം തോന്നിയത്.
ഒറ്റരാത്രികൊണ്ടാണ് ഞങ്ങള്ക്ക് വീട് നഷ്ടപ്പെട്ടത്. വസ്ത്രങ്ങളുള്പ്പെടെ ഞങ്ങളുടെ സാധനങ്ങളെല്ലാം വീടിനകത്ത് വെച്ചാണ് പോലീസ് സീല് ചെയ്തത്. അതുകൊണ്ട് സാരിയും വേണ്ട സാധനങ്ങളുമൊക്കെ എനിക്ക് വാങ്ങേണ്ടി വന്നു. ഞാന് പട്ട്സാരിയൊന്നും വാങ്ങിയിട്ടില്ല. ഉടുക്കാന് വസ്ത്രം വാങ്ങുന്നത് ആഢംബരമാണോ? പരമാവധി 500 രൂപ വിലയുള്ള സാധാരണ സാരികളാണ് ഞാന് വാങ്ങിയിട്ടുള്ളത്.
എസ്ബിടി ബാങ്കിലും അര്ബന് ബാങ്കിലും എന്റെ പേരില് അക്കൗണ്ട് ഉണ്ട്. അതില് എവിടെ നിന്നെക്കെയോ പണം സഹായമായി വന്നിട്ടുണ്ട്. പക്ഷെ അതില് നിന്ന് ഒരു ചില്ലിക്കാശു പോലും അനുവാദമില്ലാതെ എനിക്ക് എടുക്കാന് പറ്റില്ല. അന്നത്തെ ജില്ലാ കളക്ടറായിരുന്ന രാജമാണിക്യത്തിന്റെയും എന്റെയും പേരിലുള്ള ജോയിന്റ് അക്കൌണ്ടാണത്. ഔദ്യോഗിക അനുമതിയില്ലാതെ എനിക്ക് അതില്നിന്ന് പണം പിന്വലിക്കാന് സാധിക്കില്ല. കാര്യങ്ങള് സങ്കല്പ്പിക്കും മുന്പ് അതെല്ലാം അന്വേഷിക്കണമെന്നാണ് എനിക്ക് പറയാനുള്ളത്. പണമിടപാട് നടത്തുന്നതിനെല്ലാം വ്യക്തമായ തെളിവുകളുമുണ്ടെന്നും രാജേശ്വരി അന്ന് പറഞ്ഞു.
ഇപ്പോൾ വീണ്ടും പ്രചരിക്കുന്ന ഏറ്റവും പുതിയ മേക്ക്ഒാവറില് ജിഷയുടെ അമ്മയുടെ വൈറൽ ആയിക്കൊണ്ടിരിക്കുന്ന ചിത്രങ്ങൾ:


