Fri. Nov 20th, 2026

ഇരു മുന്നണികളില്‍ നിന്നും മാറി ദളിത് രക്ഷകനെന്ന് സ്വയം മുദ്രചാര്‍ത്തി കഴിഞ്ഞ തെരഞ്ഞെടുപ്പില്‍ പൂഞ്ഞാറില്‍ നിന്നും എംഎല്‍എയായ പി സി ജോര്‍ജ്ജിന്റെ യഥാര്‍ത്ഥ ദളിത് സ്‌നേഹം പുറത്ത്. എറണാകുളം-അങ്കമാലി അതിരൂപതാ ഭൂമിയിടപാട് വിഷയത്തിലാണ് പി സി ജോര്‍ജിന്റെ വിവാദ പരാമര്‍ശം പുറത്തു വന്നത്.

കത്തോലിക്കാ സഭയില്‍ എന്താ വിഘടനം….ചുമ്മാ… പുലയ സ്ത്രീയില്‍ ജനിച്ചവനാണ് വൈദികന്‍. അവരൊക്കെ പറഞ്ഞാല്‍ ഇവിടെ കത്തോലിക്കാകാര്‍ കേള്‍ക്കുമോ? ഇവരൊക്കെ കത്തോലിക്കരെന്ന് പറയാനാകുമോ.. എറണാകുളം-അങ്കമാലി രൂപതയില്‍ ഇതേ പോലെ ചന്തകളായ ഒരുപാട് വൈദികര്‍ ഉണ്ട്. അവരുടെ കുര്‍ബാന പോലും സ്വീകരിക്കാന്‍ ക്രിസ്ത്യാനികളെ കിട്ടാതാകും. വലിയ താമസമില്ലാതെ. എങ്ങനെ ഈ വൈദികന്‍ ചന്തകള്‍ക്കൊപ്പം കൂടിയെന്ന്. അന്വേഷിച്ചപ്പോഴാണ് മനസ്സിലായത്. അവിടെ വേലയ്ക്ക് നിന്ന പുലയ സ്ത്രീക്ക് ജനിച്ചതാണ്. പോരെ. അവന്‍ വൈദികനായി. എങ്ങനെ സഭ നന്നാകും. പണ്ടൊക്കെ വൈദികനെ തെരഞ്ഞെടുത്തത് വളരെ മാന്യമായിട്ടാണ്. ഇപ്പോള്‍ ഏത് ചന്തയ്ക്കും വൈദികനാകാമെന്ന നില വന്നിരിക്കുകയാണെന്നും പിസി ജോര്‍ജ് പറയുന്നു.

അതിരൂപതയുടെ ഭൂമി മറിച്ചു വിറ്റ സംഭവത്തില്‍ സഭയ്ക്കകത്തു നടക്കുന്ന പ്രതിഷേധങ്ങള്‍ക്കു പിന്നാലെയാണ് മാര്‍ ജോര്‍ജ്ജ് ആലഞ്ചേരിക്കെതിരെ പി സി ജോര്‍ജ്ജ് രംഗത്തെത്തിയത്. എന്നാല്‍ ഫേസ്ബുക്കില്‍ പ്രചരിക്കുന്ന വീഡിയോയ്ക്കു വന്‍ വിമര്‍ശനമാണ് ഉയരുന്നത്. ദളിത് സ്‌നേഹം പറഞ്ഞ് വോട്ടു തേടിയ ജോര്‍ജ്ജിന്റെ യഥാര്‍ത്ഥ പൊള്ളത്തരമാണ് ഇതിലെ വെളിവാകുന്നെതെന്ന് പോസ്റ്റിലെ കമന്റുകള്‍ വ്യക്തമാക്കുന്നു.

പത്ത് ചക്രം കാണുമ്പോള്‍ ഇവനൊക്കെ ഹാലിളകുകയാണ്. എറണാകുളം അങ്കമാലി അതിരൂപതയുടെ നടപടികള്‍ കത്തോലിക്കാ സഭയ്ക്ക് നാണക്കേടുണ്ടാവുകയാണ്. കര്‍ദിനാളിനെതിരെ കേസ് കൊടുക്കുന്നു. ഇതിന് അഞ്ച് ലക്ഷം രൂപ എവിടെ നിന്ന് കിട്ടി. ഇതിനെതിരെ സഭാ വിശ്വാസികള്‍ ഒന്നടങ്കം രംഗത്ത് വരണമെന്നും പിസി ജോര്‍ജ് വീഡിയോയില്‍ പറയുന്നുണ്ട്.

തനിക്ക് നാക്കുപിഴ സംഭവിച്ചെന്ന് പുലയരെ അധിക്ഷേപിച്ചതില്‍ നിരുപാധികം മാപ്പ് പറഞ്ഞ് പിസി ജോര്‍ജ്

Comments are closed.