ഷറഫുദ്ദീന്, ഐശ്വര്യ ലക്ഷ്മി എന്നിവര് കേന്ദ്ര കഥാപാത്രങ്ങളായി എത്തുന്ന ചിത്രമാണ് ‘ഹലോ മമ്മി’. ഫാന്റസി ഹൊറര് കോമഡി എന്റര്ടെയ്നര് വിഭാഗത്തില് പെടുന്ന ചിത്രം ഈ മാസം 21 നാണ് തിയറ്ററുകളില് എത്തിയത്. പ്രേക്ഷകശ്രദ്ധ നേടി തിയറ്ററുകളില് തുടരുന്ന ചിത്രത്തിലെ ഒരു വീഡിയോ ഗാനം പുറത്തുവിട്ടിരിക്കുകയാണ് അണിയറപ്രവര്ത്തകര്. ‘പുള്ളിമാന് കണ്ണിലെ’ എന്നാരംഭിക്കുന്ന ഗാനത്തിന് വരികള് എഴുതിയിരിക്കുന്നത് മനു മഞ്ജിത്ത് ആണ്. സംഗീതം ജേക്സ് ബിജോയ്. ദീപക് നായര് ആണ് ആലപിച്ചിരിക്കുന്നത്.
നവാഗതനായ വൈശാഖ് എലന്സ് സംവിധാനം ചെയ്യുന്ന ചിത്രമാണ് ഹലോ മമ്മി. സാന്ജോ ജോസഫാണ് കഥയും തിരക്കഥയും ഒരുക്കിയിരിക്കുന്നത്. ഹാങ്ങ് ഓവര് ഫിലിംസ്, എ ആന്ഡ് എച്ച് എസ് പ്രൊഡക്ഷന് എന്നീ ബാനറുകളില് ജോമിന് മാത്യു, ഐബിന് തോമസ്, രാഹുല് ഇ എസ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്. സജിന് അലി, നിസാര് ബാബു, ദിപന് പട്ടേല് എന്നിവരാണ് സഹനിര്മ്മാതാക്കള്.
സണ്ണി ഹിന്ദുജ (‘ആസ്പിരന്റ്സ്’ഫെയിം), അജു വര്ഗീസ്, ജഗദീഷ്, ജോണി ആന്റണി, ജോമോന് ജ്യോതിര്, ബിന്ദു പണിക്കര്, അദ്രി ജോ, ശ്രുതി സുരേഷ്, ഗംഗ മീരാ തുടങ്ങിയവര് സുപ്രധാന വേഷങ്ങളിലെത്തിയ ചിത്രം ഡ്രീം ബിഗ് പിക്ച്ചേഴ്സാണ് കേരളത്തില് വിതരണത്തിനെത്തിച്ചത്. ജിസിസി ഓവര്സീസ് ഡിസ്ട്രിബ്യൂഷന് റൈറ്റ്സ് ഉള്പ്പെടെയുള്ള ഓവര്സീസ് ഡിസ്ട്രിബ്യൂഷന് ഫാഴ്സ് ഫിലിംസും കരസ്ഥമാക്കി. ജേക്സ് ബിജോയ്യുടേതാണ് സംഗീതം.
ഛായാഗ്രഹണം: പ്രവീണ് കുമാര്, ചിത്രസംയോജനം: ചമന് ചാക്കോ, ഗാനരചന: മു. രി, സുഹൈല് കോയ, സൗണ്ട് ഡിസൈന്: സിങ്ക് സിനിമ, ക്രിയേറ്റിവ് ഡയറക്റ്റര്: രാഹുല് ഇ എസ്, എക്സിക്യൂട്ടീവ് പ്രൊഡ്യൂസര്: ബിജേഷ് താമി, പ്രൊഡക്ഷന് കണ്ട്രോളര്: പ്രശാന്ത് നാരായണന്, വസ്ത്രാലങ്കാരം: സമീറാ സനീഷ്, മേക്കപ്പ്: റോണക്സ് സേവ്യര്, പ്രൊഡക്ഷന് ഡിസൈന്: സാബു മോഹന്, ചീഫ് അസ്സോസിയേറ്റ്: വിശാഖ് ആര് വാരിയര്, വി എഫ് എക്സ്: പിക്റ്റോറിയല് എഫ്എക്സ്, സംഘട്ടനം: കലൈ കിങ്സണ്, പി സി സ്റ്റണ്ട്സ്, കൊറിയോഗ്രാഫി: ഷെരീഫ്, സ്റ്റില്സ്: അമല് സി സദര്, ഡിസൈന്: ടെന് പോയിന്റ്, കളറിസ്റ്റ്: ഷണ്മുഖ പാണ്ഡ്യന് എം, പിആര്ഒ: പ്രതീഷ് ശേഖര്, പിആര്&മാര്ക്കറ്റിങ് സ്ട്രാറ്റജിസ്റ്റ്സ്: വൈശാഖ് സി വടക്കേവീട്, ജിനു അനില്കുമാര്.

