Fri. Mar 1st, 2024

കോഴിക്കോട്: പ്രസവ ശസ്ത്രക്രിയയ്ക്കിടെ വയറ്റില്‍ കത്രിക കുടുങ്ങിയ സംഭവത്തില്‍ ഹര്‍ഷിന വീണ്ടും സമരത്തിലേക്ക്. പ്രതികളെ പ്രോസിക്യൂട്ട് ചെയ്യാനുള്ള സര്‍ക്കാര്‍ അനുമതി വൈകുന്ന സാഹചര്യത്തിലാണ് വീണ്ടും സമരത്തിലേക്ക് നീങ്ങുന്നത്. നാളെ കോഴിക്കോട് നടക്കുന്ന നവകേരള സദസ്സില്‍ മറുപടി പ്രതീക്ഷിക്കുന്നതായി സമരസമിതി അറിയിച്ചു. അല്ലങ്കില്‍ നവ കേരള സദസ്സ് അവസാനിക്കുന്ന ഡിസംബര്‍ 23ന് സെക്രട്ടറിയേറ്റിന് മുമ്പില്‍ സമരം നടത്താണ് ഹര്‍ഷിനയുടെ തീരുമാനം.


സര്‍ക്കാരില്‍ പ്രതീക്ഷയര്‍പ്പിച്ച് കാത്തിരുന്ന ഹര്‍ഷിനയ്ക്ക് നീതി ലഭിക്കാതായതോടെയാണ് വീണ്ടും സമര പ്രഖ്യാപനവുമായി ഹര്‍ഷിന രംഗത്തെത്തിയത്. നാളെ സര്‍ക്കാരിന്റെ നവകേരള സദസ് കോഴിക്കോട് നഗരത്തില്‍ എത്തുമ്പോള്‍ വിഷയത്തില്‍ തുടര്‍ നടപടി പ്രഖ്യാപിക്കണമെന്നാണ് ഹര്‍ഷിനയുടെ ആവശ്യം.

നാളെ മറുപടി ലഭിച്ചില്ലങ്കില്‍ നവകേരള സദസ് സമാപിക്കുന്ന ഡിസംബര്‍ 23ന് സെക്രട്ടറിയേറ്റിന് മുമ്പില്‍ സമരം നടത്താനാണ് സമരസമിതിയുടെ തീരുമാനം. നാല് ആരോഗ്യ പ്രവര്‍ത്തകരെ പ്രതിചേര്‍ത്ത പോലീസ് റിപ്പോര്‍ട്ട് സമര്‍പ്പിച്ചതിന് പിന്നാലെയാണ് 104 ദിവസം നീണ്ടു നിന്ന സമരം ഹര്‍ഷിന അവസാനിപ്പിച്ചത്.