കൊച്ചി ഇടപ്പള്ളി പോണേക്കരയില് ട്രാന്സ്ജെന്ഡറിനെ താമസ സ്ഥലത്ത് മരിച്ച നിലയില് കണ്ടെത്തി. കൊല്ലം സ്വദേശിയായ ട്രാന്സ്ജെന്ഡര് ശ്രദ്ധയെ (21) യാണ് മുറിയില് മരിച്ച നിലയില് കണ്ടെത്തിയത്. ഇന്ന് രാവിലെ സുഹൃത്തുകള് മുറിയിലെത്തിയപ്പോൾ ശ്രദ്ധയെ മരിച്ച നിലയില് കാണുകയായിരുന്നു. ആത്മഹത്യയാണെന്ന് സംശയിക്കുന്നതായി പോലീസ് പറഞ്ഞു.
സുഹൃത്തുകള് വിളിച്ചിട്ട് കതക് തുറക്കാത്തതിനെ തുടര്ന്ന് ഫോണില് ബന്ധപ്പെടാന് ശ്രമിക്കുകയായിരുന്നു. എന്നിട്ടും പ്രതികരണമില്ലാത്തതോടെ തുറന്ന് കിടന്നിരുന്ന ജനലിലൂടെ നോക്കുമ്പോഴാണ് തൂങ്ങി മരിച്ചനിലയില് കണ്ടെത്തിയത്. കൊല്ലം സ്വദേശിയായ ശ്രദ്ധ വിദ്യാര്ഥിയാണ്.


