Sat. Apr 20th, 2024

മോഹൻലാലിനെ നായകനാക്കി ലിജോ ജോസ് പെല്ലിശേരി ഒരുക്കിയ മലൈക്കോട്ടൈ വാലിബൻ ഒടിടിയിലേക്ക്. തിയേറ്ററിൽ സമ്മിശ്ര പ്രതികരണങ്ങൾ ലഭിച്ച ചിത്രം ഈ മാസം ഒടിടിയിൽ എത്തുമെന്നാണ് പുതിയ സൂചനകൾ. ഹോട്ട്സ്റ്റാർ വഴിയാകും സ്ട്രീമിം​ഗ്. ജനുവരി 25നാണ് സിനിമ തിയേറ്ററിലെത്തിയത്.

മോഹൻലാലിന് പുറമെ സൊനാലി കുൽക്കർണി,ഹരീഷ് പേരടി, ഡാനിഷ് സേഠ്, മണികണ്ഠൻ ആചാരി, മനോജ് മോസസ് തുടങ്ങിയവരാണ് മറ്റ് അഭിനേതാക്കൾ. ഫെബ്രുവരി 23 മുതൽ മലൈക്കോട്ടൈ വാലിബൻ സ്ട്രീം ചെയ്യുക എന്നാണ് ട്രേഡ് അനലിസ്റ്റുകൾ പറയുന്നത്. നിരൂപക പ്രശംസ നേടിയ ചിത്രത്തിനെതിരെ സംഘടിത ആക്രമണം നടന്നുവെന്ന് സംവിധായകനും നിർമ്മാതാവും ആരോപിച്ചിരുന്നു.

ഡിസ്‌നി പ്ലസ് ഹോട്ട്സ്റ്റാർ വാലിബന്റെ സ്ട്രീമിംഗ് അവകാശം എത്ര രൂപയ്‌ക്കാണ് സ്വന്തമാക്കിയതെന്ന് വ്യക്തമല്ല. തിയേറ്ററുകളിൽ നിന്ന് സിനിമ മിസായവർ ഒടിടി റിലീസ് ഡേറ്റിനായി കാത്തിരിക്കുകയാണ്.