Sun. Feb 25th, 2024

കൊച്ചി: സിറോ മലബാര്‍ സഭ അധ്യക്ഷന്‍ കര്‍ദിനാള്‍ ജോര്‍ജ് ആലഞ്ചേരി സ്ഥാനം ഒഴിഞ്ഞു. സിറോ മലബാര്‍ സഭയുടെ അധ്യക്ഷന്‍ എന്ന പദവിയില്‍ നിന്നും 12 വര്‍ഷത്തിന് ശേഷമാണ് പടിയിറക്കം. തീരുമാനം വത്തിക്കാന്‍ അംഗീകരിച്ചു. മാര്‍പ്പാപ്പയുടെ അനുമതിയോടെ വിരമിക്കുന്നുവെന്ന് കര്‍ദിനാള്‍ ജോര്‍ജ് ആലഞ്ചേരി പറഞ്ഞു. സെബാസ്റ്റ്യന്‍ വാണിയാപുരക്കലിന് പുതിയ ചുമതല. ആന്‍ഡ്രുസ് താഴത്തും ചുമതല ഒഴിഞ്ഞു.


കൂരിയാ ബിഷപ്പ് മാര്‍ സെബാസ്റ്റ്യന്‍ വാണിയപുരക്കലിനാണ് സഭയുടെ പുതിയ അഡ്മിനിസ്‌ട്രേറ്ററുടെ താല്‍ക്കാലിക ചുമതല. ബിഷപ്പ് ബോസ്‌കോ പുത്തൂര്‍ എറണാകുളം അങ്കമാലി അതിരൂപതയുടെ പുതിയ അപ്പോസ്‌തോലിക്ക് അഡ്മിനിസ്‌ട്രേറ്റര്‍. ആലഞ്ചേരിക്ക് പകരക്കാരനെ ജനുവരിയിലെ സിനഡ് തിരഞ്ഞെടുക്കും. മാര്‍പാപ്പയുടെ അനുമതിയോടെ വിരമിക്കുകയാണെന്ന് ആലഞ്ചേരി വാര്‍ത്താ സമ്മേളനത്തില്‍ അറിയിച്ചു. 2012 ഫെബ്രുവരി 18ന് കര്‍ദിനാള്‍ വര്‍ക്കി വിതയത്തിലിന്റെ പിന്‍ഗാമിയായിട്ടാണ് ജോര്‍ജ് ആലഞ്ചേരി സിറോ മലബാര്‍ സഭയുടെ തലവനായ മേജര്‍ ആര്‍ച്ച് ബിഷപ്പായത്.

എന്നാൽ ആലഞ്ചേരിയെ മാർപ്പാപ്പ പുറത്താക്കിയതാണെന്നും, വത്തിക്കാൻ പ്രതിനിധി എയർപോർട്ടിൽ എത്തി ആലഞ്ചേരിയെ വിളിച്ചുവരുത്തി രാജി എഴുതി വാങ്ങുകയായിരുന്നു എന്നും, രേഖകളിൽ ഒപ്പിടിവിച്ചശേഷം തിരികെ പോകുകയായിരുന്നു എന്നും റിപ്പോർട്ട് ഉണ്ട്.