Monday, January 17, 2022

Latest Posts

മഞ്ജു സ്ഥാനാർഥിയായി; ആലപ്പുഴ വെൺമണി പഞ്ചായത്തിലെ ചുവരുകളിൽ മുഴുവൻ ഇലക്ഷൻ പോസ്റ്റർ

ആലപ്പുഴ ജില്ലയിലെ വെൺമണി പഞ്ചായത്തിൽ ചുവരുകളിൽ മുഴുവൻ പോസ്റ്റർ, ‘സുനന്ദ സൂപ്പറാണ്.’ സ്ഥാനാർഥിയുടെ പോസ്റ്ററിൽ സുനന്ദയായി മഞ്ജു വാരിയറുടെ ചിത്രം. പഞ്ചായത്തിൽ ഉപതിരഞ്ഞെടുപ്പൊന്നും നടക്കുന്നില്ല, അടുത്തെങ്ങും തിരഞ്ഞെടുപ്പുമില്ല. പിന്നെ എന്തുകൊണ്ടാണ് ഈ പോസ്റ്ററെന്ന് ആളുകൾ തിരഞ്ഞപ്പോഴാണ് മനസിലാകുന്നത്, സുനന്ദ എന്നത് ‘വെള്ളരിക്കാപ്പട്ടണം’ എന്ന പുതിയ ചിത്രത്തിലെ മഞ്ജുവിന്റെ കഥാപാത്രമാണെന്ന് മനസിലായത്.

ചക്കരക്കുടം ഗ്രാമപഞ്ചായത്തിലെ വാർഡ് പത്തിൽ യുഡിപി സ്ഥാനാർഥിയായി മത്സരിക്കുന്ന സുനന്ദയുടെ പ്രചാരണ പോസ്റ്ററുകൾ സമൂഹമാധ്യമങ്ങളിലൂടെ പുറത്തുവന്നിട്ടുണ്ട്.

ഫുള്‍ ഓണ്‍സ്റ്റുഡിയോസ് നിര്‍മിക്കുന്ന ‘വെള്ളരിക്കാപട്ടണ’ത്തിന്റെ സംവിധാനം മഹേഷ് വെട്ടിയാറാണ്. മാധ്യമപ്രവര്‍ത്തകനായ ശരത്കൃഷ്ണയും സംവിധായകനും ചേര്‍ന്നാണ് രചന. അലക്സ് ജെ.പുളിക്കല്‍ ആണ് ഛായാഗ്രഹണം. മാവേലിക്കരയും വെണ്മണിയുമാണ് പ്രധാന ലൊക്കേഷനുകള്‍.

മഞ്ജുവിനും സൗബിനും പുറമേ സലിംകുമാര്‍, സുരേഷ്‌കൃഷ്ണ ,കൃഷ്ണശങ്കര്‍, ശബരീഷ് വര്‍മ, ഇടവേള ബാബു, അഭിരാമി ഭാര്‍ഗവന്‍, കോട്ടയം രമേശ്, വീണനായര്‍, പ്രമോദ് വെളിയനാട്, ശ്രീകാന്ത് വെട്ടിയാര്‍ തുടങ്ങിയവര്‍ ചിത്രത്തില്‍ അഭിനയിക്കുന്നു.
എഡിറ്റിങ് അപ്പുഭട്ടതിരിയും അര്‍ജു ബെന്നും ചേര്‍ന്ന് നിര്‍വഹിക്കുന്നു. മധുവാസുദേവനും വിനായക് ശശികുമാറുമാണ് ഗാനരചയിതാക്കള്‍. സച്ചിന്‍ ശങ്കര്‍ മന്നത്ത് സംഗീതം പകരുന്നു. ജ്യോതിഷ് ശങ്കറാണ് പ്രൊഡക്ഷന്‍ ഡിസൈനര്‍. പ്രൊഡക്ഷന്‍ കണ്‍ട്രോളര്‍ ബെന്നി കട്ടപ്പന. ശ്രീജിത് നായരും കെ.ജി. രാജേഷ് കുമാറുമാണ് അസോഷ്യേറ്റ് ഡയറക്ടര്‍മാര്‍. പിആര്‍ഒ. എ.എസ്.ദിനേശ്.

 







Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.