Wednesday, December 8, 2021

Latest Posts

‘ചണ്ഡീഗഡ് കരെ ആഷിഖി’യുടെ ട്രെയിലര്‍ പുറത്തിറങ്ങി

ആയുഷ്മാന്‍ ഖുറാനയുടെ പുതിയ ചിത്രമാണ് ചണ്ഡീഗഡ് കരെ ആഷിഖി. അഭിഷേക് കപൂറാണ് ചിത്രം സംവിധാനം ചെയ്യുന്നത്. സുപ്രതിക് സെന്‍, തുഷാര്‍ പരഞ്ജ്‌പെ എന്നിവരാണ് ചണ്ഡീഗഡ് കരെ ആഷിഖിയുടെ തിരക്കഥ എഴുതുന്നു. ബോളിവുഡ് റൊമാന്റിക് ചിത്രമായ ചണ്ഡീഗഡ് കരെ ആഷിഖിയുടെ ട്രെയിലര്‍ പുറത്തുവിട്ടു.

മന്‍വിന്ദര്‍ എന്ന കഥാപാത്രമായിട്ടാണ് ആയുഷ്മാന്‍ ഖുറാനെ ചിത്രത്തിലുള്ളത്. ഫിറ്റ്‌നസ് ട്രെയിനറായി ആയുഷ്മാന്‍ ഖുറാന എത്തുമ്പോൾ നായിക വാണി കപൂര്‍ സുംബ ട്രെയിനറായിട്ടാണ് ചിത്രത്തിലുള്ളത്. വെയ്റ്റ്‌ലിഫ്റ്റിംഗ് ചാമ്പ്യന്‍ഷിപ്പില്‍ പങ്കെടുക്കാനുള്ള ശ്രമത്തിലാണ് ആയുഷ്മാന്‍ ഖുറാനെയുടെ കഥാപാത്രം. ജിമ്മില്‍ കുറെ സമയം ചെലവഴിക്കുന്ന ആയുഷ്മാന്‍ ഖുറാനയുടെ കഥാപാത്രത്തെ കുറിച്ചുള്ള സൂചനകള്‍ ട്രെയിലര്‍ നല്‍കുന്നുണ്ട്. ഇരുവരുടെയും പ്രണയമാണ് ചിത്രത്തിലും ട്രെയിലറിലും വ്യക്തമാക്കുന്നതും.

ആയുഷ്മാന്‍ ഖുറാനെയുടെ സോഷ്യല്‍ കോമഡി ചിത്രങ്ങളില്‍ പെടുത്താവുന്നതാണ് ചണ്ഡീഗഡ് കരെ ആഷിഖിയും. ഭൂഷണ്‍ കുമാറാണ് ചിത്രം നിര്‍മിക്കുന്നത്. സച്ചിന്‍- ജിഗാറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. ഡിസംബര്‍ 10നാണ് ചിത്രം റിലീസ് ചെയ്യുക.

ആയുഷ്മാന്‍ ഖുറാനയ്ക്കും വാണി കപൂറിനൊപ്പം അഭിഷേക് ബജാജ്, യോഗ്‌രാജ് സിംഗ്, കരിസ്മ സിംഗ്, ടാന്യ , ഗിരിഷ് ധമിജ തുടങ്ങി ഒട്ടേറെ താരങ്ങള്‍ ചിത്രത്തിലുണ്ട്. പ്രണയത്തിനൊപ്പം ചിരിക്കും ചിത്രത്തില്‍ പ്രാധാന്യമുണ്ടെന്ന് ആണ് റിപ്പോര്‍ട്ടുകള്‍. ചന്ദന്‍ അറോറയാണ് ചിത്രത്തിന്റെ ചിത്രസംയോജനം നിര്‍വഹിക്കുന്നത്.

 






Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.