Friday, December 3, 2021

Latest Posts

സംസ്ഥാനത്ത് ഇന്ന് 16,671 കോവിഡ് കേസുകള്‍; സെറോ സര്‍വേയില്‍ 80 ശതമാനം പേര്‍ക്കും പ്രതിരോധശേഷിയെന്ന് റിപ്പോര്‍ട്ട്

കൊവിഡില്‍ കേരളത്തില്‍ ഉയര്‍ന്ന രോഗ പ്രതിരോധ ശേഷിയെന്ന് സെറോ പ്രിവിലന്‍സ് പഠന റിപ്പോര്‍ട്ട്. 80 ശതമാനത്തോളം പേര്‍ക്ക് പ്രതിരോധ ശേഷി വൈകവരിക്കാനായിട്ടുണ്ടെന്നാണ് കേരളം നടത്തിയ പഠന റിപ്പോര്‍ട്ട് എന്നാണ് സൂചന. വാക്‌സിനേഷനും രോഗം വന്നു പോയതും പ്രതിരോധ ശേഷി നേടാന്‍ കാരണമായെന്നാണ് കണ്ടെത്തല്‍.

ഇതില്‍ തന്നെ വാക്‌സിനേഷനാണ് പ്രതിരോധത്തില്‍ പ്രധാന ഘടകമായതെന്നാണ് പഠനത്തിന് നേതൃത്വം നല്‍കിയ ആരോഗ്യ വിദഗ്ധര്‍ പറയുന്നത്. പുതിയ പഠന റിപ്പോര്‍ട്ട് ആശാവഹമാണെന്ന് ആരോഗ്യ വിദഗ്ധര്‍ പറയുന്നു. കൊവിഡ് രോഗ പ്രതിരോധത്തില്‍ മുന്നേറാനായതിന്റെ സൂചന കൂടിയാണ് പുതിയ സെറോ പ്രിവിലന്‍സ് പഠന റിപ്പോര്‍ട്ട്.

കേരളത്തില്‍ കൊവിഡ് വ്യാപനത്തിന്റെ ശക്തി കുറഞ്ഞിരിക്കാമെന്ന വ്യക്തമായ സൂചനയാണ് സെറോ പ്രിവിലന്‍സ് റിപ്പോര്‍ട്ട് നല്‍കുന്നത്. അഞ്ച് വയസിനു മുകളില്‍ ഉള്ള കുട്ടികള്‍, പതിനെട്ട് വയസിന് മുകളില്‍ പ്രായം ഉള്ളവര്‍, പതിനെട്ട് വയസിന് മുകളില്‍ ഉള്ള ആദിവാസി വിഭാഗം, തീരദേശ വിഭാഗം, കോര്‍പറേഷന്‍ പരിധികളില്‍ ഉള്ളവര്‍,അഞ്ച് മുതല്‍ 17 വയസ് വരെ പ്രായമുള്ള കുട്ടികള്‍, ഗര്‍ഭിണികള്‍ എന്നിവരിലാണ് കേരളം പഠനം നടത്തിയത്. വാക്‌സിനേഷന് ഇനിയും വേഗത കൈവരിക്കാനായാല്‍ കേരളത്തിന് വലിയ തോതില്‍ രോഗ പ്രതിരോധം നേടാന്‍ കഴിയുമെന്ന് ഈ പഠനം വ്യക്തമാക്കുന്നു.
സംസ്ഥാനത്ത് ഇന്ന് 16,671 പേര്‍ക്ക് കൊവിഡ് സ്ഥിരീകരിച്ചു. എറണാകുളം 2500, തിരുവനന്തപുരം 1961, തൃശൂര്‍ 1801, കോഴിക്കോട് 1590, കൊല്ലം 1303, മലപ്പുറം 1200, കോട്ടയം 1117, പാലക്കാട് 1081, ആലപ്പുഴ 949, കണ്ണൂര്‍ 890, പത്തനംതിട്ട 849, വയനാട് 661, ഇടുക്കി 486, കാസര്‍ഗോഡ് 283 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 1,14,627 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ പത്തിന് മുകളിലുള്ള 422 തദ്ദേശ സ്വയംഭരണ പ്രദേശങ്ങളിലായി 841 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.
രോഗം സ്ഥിരീകരിച്ച് ചികിത്സയിലായിരുന്ന 14,242 പേര്‍ രോഗമുക്തി നേടി. തിരുവനന്തപുരം 2488, കൊല്ലം 141, പത്തനംതിട്ട 218, ആലപ്പുഴ 1145, കോട്ടയം 1605, ഇടുക്കി 651, എറണാകുളം 567, തൃശൂര്‍ 2496, പാലക്കാട് 711, മലപ്പുറം 1397, കോഴിക്കോട് 1118, വയനാട് 331, കണ്ണൂര്‍ 1019, കാസര്‍ഗോഡ് 355 എന്നിങ്ങനേയാണ് രോഗമുക്തിയായത്. ഇതോടെ 1,65,154 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 44,23,772 പേര്‍ ഇതുവരെ കോവിഡില്‍ നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 4,73,920 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 4,51,893 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 22,027 പേര്‍ ആശുപത്രികളിലും നിരീക്ഷണത്തിലാണ്. 1825 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്. നിലവില്‍ 1,65,154 കോവിഡ് കേസുകളില്‍, 12.2 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.

കഴിഞ്ഞ ദിവസങ്ങളിലുണ്ടായ 120 മരണങ്ങളാണ് കൊവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 24,248 ആയി. ഇന്ന് രോഗം സ്ഥിരീകരിച്ചവരില്‍ 110 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 15,794 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 692 പേരുടെ സമ്പര്‍ക്ക ഉറവിടം വ്യക്തമല്ല. 75 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.






Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.