Fri. Mar 29th, 2024

ഉത്സവപ്പറന്പുകളിലെ കച്ചവടക്കാരിയിൽ നിന്ന് സ്വപ്രയത്നത്തിലൂടെ എസ്​ ഐ ആയ ആനി ശിവക്കെതിരെ ഫേസ്ബുക്കിൽ അപകീർത്തി പ്രചാരണം നടത്തിയ അഭിഭാഷകക്കെതിരെ കേസ്. ഫേസ്ബുക്കിൽ നിരന്തരം ആനി ശിവയെ അപമാനിച്ച ഹൈക്കോടതി അഭിഭാഷക സംഗീത ലക്ഷ്മണക്കെതിരെയാണ് എറണാകുളം സെൻട്രൽ പൊലീസ്​ കേസെടുത്തത്.

ഹൈക്കോടതിയിലെ മറ്റൊരു അഭിഭാഷകൻ നൽകിയ ​പരാതിയിലാണ്​​ കേസ്. സേനയിലെ ഒരാളെ അപമാനിക്കുന്ന ഒരു ഫേസ്​​ബുക്ക്​ പോസ്റ്റ്​ വ്യാപകമായി പ്രചരിപ്പിച്ചിട്ടും പൊലീസ്​ കേസെടുത്തില്ലെന്നും പരാതിയിൽ പറയുന്നു.

അതേസമയം, കേസെടുത്ത വിവരം മാധ്യമങ്ങളിലൂടെയാണ് അറിഞ്ഞതെന്ന് സംഗീത ഫേസ്ബുക്കിൽ പ്രതികരിച്ചു. ചാനലുകളിൽ നിന്ന് പ്രതികരണത്തിനായി വിളിച്ചപ്പോഴാണ് കാര്യമറിഞ്ഞത്. കൊച്ചി സെൻട്രൽ പോലീസ് സ്റ്റേഷനിൽ അങ്ങനെയാണെന്നും അവർ പറഞ്ഞു. എഫ് ഐ ആർ കോപ്പി കൈയിൽ കിട്ടിയ ശേഷം ഭാവി നടപടികൾ ആലോചിക്കുമെന്നും അവർ ഫേസ്ബുക്കിൽ അറിയിച്ചു.