Fri. Mar 29th, 2024

നടനും സീരിയൽ താരവുമായ ആദിത്യൻ ജയനെതിരെ പൊലീസിൽ പരാതി നൽകി നടി അമ്പിളി ദേവി. സ്ത്രീത്വത്തെ അപമാനിച്ചുവെന്ന് കാണിച്ചാണ് അമ്പിളി ദേവി പരാതി നൽകിയിരിക്കുന്നത്. സൈബർ സെല്ലിനും കരുനാഗപ്പളളി എ സി പിക്കുമാണ് പരാതി നൽകിയത്.

ഇല്ലാത്ത കാര്യങ്ങൾ പറഞ്ഞ് തന്റെ സ്ത്രീത്വത്തെ അപമാനിക്കാനാണ് ആദിത്യൻ ശ്രമിക്കുന്നതെന്ന് അമ്പിളിദേവി പരാതിയിൽ പറയുന്നു. ഇന്നലെ രാത്രിയോടെ ആദിത്യൻ ജയനെ ആത്മഹത്യയ്‌ക്ക് ശ്രമിച്ച നിലയിൽ തൃശൂർ സ്വരാജ് റൗണ്ടിൽ കണ്ടെത്തിയിരുന്നു. കൈഞരമ്പ് മുറിച്ച നിലയിലാണ് ആദിത്യനെ കണ്ടെത്തിയത്. അമ്പിളി ദേവിയുടെയും ആദിത്യൻ ജയന്റേയും കുടുംബപ്രശ്‌നങ്ങൾ ആരോപണങ്ങളും പ്രത്യാരോപണങ്ങളുമായി കഴിഞ്ഞ ഒരാഴ്‌ചയിലധികമായി സജീവമാണ്.