ഇടുക്കിയിലെ മണ്ണിടിച്ചില് അപകടത്തില്പ്പെട്ടവര്ക്ക് ചികിത്സ ലഭ്യമാക്കാന് പ്രത്യേക മൊബൈല് മെഡിക്കല് സംഘത്തെ അയച്ചതായി ആരോഗ്യമന്ത്രി കെ കെ ശൈലജ അറിയിച്ചു. ഇതോടൊപ്പം 15 ആംബുലന്സുകളും സംഭവ സ്ഥലത്തേയ്ക്ക് അയച്ചിട്ടുണ്ട്.
ആവശ്യമെങ്കില് കൂടുതല് മെഡിക്കല് സംഘത്തേയും നിയോഗിക്കുന്നതാണ്. ആശുപത്രികള് അടിയന്തരമായി സജ്ജമാക്കാനും നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
ഇടുക്കി മൂന്നാര് രാജമലയിലെ പെട്ടിമുടിയില് വീടുകള്ക്ക് മുകളിലേക്ക് മണ്ണിടിച്ചുണ്ടായ അപകടത്തില് 13 പേര് മരിച്ചതായി സ്ഥിരീകരണം. രക്ഷാപ്രവര്ത്തനം പുരോഗമിക്കുന്നുണ്ടെങ്കിലും നിരവധി പേര് ഇപ്പോഴും മണ്ണിനടയില് കുടങ്ങിക്കിടക്കുന്നതായാണ് വിവരം.
ഇന്ന് പുലര്ച്ചെ രണ്ടു മണിയോടെയാണ് രാജമല മേഖലയില് ഉരുള്പൊട്ടലുണ്ടായത്. ഇതിനെ തുടര്ന്ന് പെട്ടിമുടി തോട്ടംമേഖലയില് വലിയ മണ്ണിടിച്ചിലുണ്ടാവുകയായിരുന്നു.