Fri. Mar 29th, 2024

 ✍️ ഡിങ്ക ശ്രീ: സ്വാമി സമൂസ ത്രികോണാധ്യായ (ഡിങ്കോയിസം (മ))

“Eli Eli Lama Sabachthani?” 

“എൻറെ ദൈവമേ, എൻറെ ദൈവമേ, എന്തിനെന്നെ കൈവിട്ടു?”

Eli Eli Lama…എലിയാണ് തൻറെ ദൈവമെന്ന് തിരിച്ചറിഞ്ഞ്, ആ വിശുദ്ധ എലിയായ ഡിങ്കനെ വിളിച്ച്, കുരിശില്‍ കിടന്ന് വിലപിച്ച മഹാനായ ഡിങ്കോയിസ്റ്റായിരുന്നു യേശു. അങ്ങനെ വിളിച്ചപ്പോള്‍ തന്നെ ഒരു കാര്യം കൂടി അദ്ദേഹം ഓർത്തു, ആപത്തിൽ പെടുന്നവരെ രക്ഷിക്കാന്‍ ഡിങ്കൻ എത്തുന്നത് ബാലമംഗളത്തിലെ കഥകളിൽ മാത്രമാണ് എന്ന്, ജീവിതത്തില്‍ രക്ഷിക്കാന്‍ ഡിങ്കൻ വരില്ല എന്ന്, മാത്രമല്ല, സ്വയം ചിന്തിച്ചു ശരിയായ തീരുമാനത്തിലെത്താൻ ഉളള കഴിവ് മനുഷ്യനുണ്ട് എന്നും…

അപ്പോള്‍ അദ്ദേഹം തിരുത്തി, “അങ്ങയുടെ തിരുവിഷ്ടം നിറവേറട്ടെ”…!!!

യേശു ജനിച്ച അന്ന് വിശുദ്ധ ഡിങ്കൻ ആകാശത്തിലൂടെ അങ്ങോട്ടു പറന്നു വന്നിരുന്നു, ഡിങ്കൻറെ നെഞ്ചിലെ തിളങ്ങുന്ന നക്ഷത്രം, ഭൂമിയിലെ പല ഡിങ്കോയിസ്റ്റുകൾക്കും വഴികാട്ടിയിരുന്നു, അതിൻറെ സ്മരണേലാ തിരുമേനീ ഈ നക്ഷത്രവിളക്കും അലങ്കാരവുമൊക്കെ…!!!

യേശുവിൻറെ അറിയപ്പെടാത്ത ചരിത്രത്തില്‍ അദ്ദേഹം ഇന്ത്യയില്‍ വന്നിരുന്നു എന്ന് പറയുന്നവരുണ്ട്, പക്ഷെ അതിൽ 93.876% പേർക്കും അറിയില്ല, അദ്ദേഹം കേരളത്തിൽ വന്നിരുന്നു എന്നും ഇവിടുത്തെ ഡിങ്കോയിസ്റ്റ് തോന്ന്യാസികളിൽ നിന്നും ഡിങ്കനെയും ബാലമംഗളത്തെയും അറിഞ്ഞു എന്നും, അദ്ദേഹം ഡിങ്കോയിസം സ്വീകരിച്ചു എന്നും…

“വീണ്ടും ശിശുക്കളായില്ല എങ്കില്‍ സ്വർഗ്ഗരാജ്യം നിങ്ങള്‍ക്ക് നഷ്ടപ്പെടും” എന്ന് പറഞ്ഞത് ഈ അറിവിൻറെ വെളിച്ചത്തിലാണ്. ശിശുക്കളാകുക, ബാലമംഗളം വായിക്കുക, ആസ്വദിക്കുക അന്വേഷിക്കുക, ഇതല്ലാതെ മനുഷ്യന്‍ എന്ത് ചെയ്യാന്‍? ലോകം സ്വർഗ്ഗമായിക്കോളും…

എല്ലാവർക്കുംവീഞ്ഞും സാനിറ്റയ് സറും തുളുമ്പുന്ന ഉയിർപ്പ് തിരുനാൾ ആശംസകൾ…
(Y) ഡിങ്ക ഡിങ്ക…!!!


ഉയിര്‍പ്പ് ഉത്സവം
===============

നമ്മുടെ പാപങ്ങള്‍ക്ക്‌ വേണ്ടി അവന്‍ കയറില്‍ തൂങ്ങി മരിച്ചു!
എന്നാല്‍ മൂന്നാം നാള്‍ അവന്‍ ഉയിര്‍ത്തു എഴുന്നേറ്റു!

ആ മോചന ദിവസത്തെയാണ് ഡിങ്കോയിസ്റ്റുകള്‍ രക്ഷയുടെ ഉയിര്‍പ്പ് ഉത്സവമായി ആഘോഷിക്കുന്നത്!

പിൻകുറിപ്പ്:

പപ്പനാവന്റ്റെ മൂട് മാന്തി നോക്കിയാല്‍ കാണാം, ഡിങ്കൻറെ തകര്‍ക്കപ്പെട്ട പട്ടണ അവശിഷ്ടങ്ങള്‍!!!


ഡിങ്കന്റെ പതിനഞ്ചു കൽപ്പനകൾ :
————————————–
1-നിന്റെ ദൈവം ഞാൻ മാത്രമാകുന്നു, എന്നുവെച്ചു നിസ്സാര കാര്യങ്ങൾക്ക് എന്നെ വിളിച്ചു ശല്യം ചെയ്യരുത്.
2-നിന്റെ ദൈവത്തിന്റെ പേരിൽ ഷാപ്പിൽ പറ്റെഴുതി മുങ്ങരുത്.
3-അമ്പത് രൂപയിൽ കുറഞ്ഞ കാണിക്കയ്ക്ക് ഉദ്ധിഷ്ടകാര്യലബ്ദി പ്രതീക്ഷിക്കരുത്.
4-അന്ന്യന്റെ ലൈനിൽ ലുക്കിടരുത്.
5-പരമമായ സത്യം കള്ളിലാകുന്നു. കള്ളുകുടിക്കുന്നവരിൽ അതിനു ദൃഷ്ടാന്തമുണ്ട്.
6-ബിസിനസ് വിസയിൽ യൂറോപ്പിലേക്ക് ഭാര്യയേയും കൊണ്ടുപോകുന്നവനുള്ളതാകുന്നു നരകം.
7-ചന്ദ്രനിൽ പോകുമ്പോൾ ഓക്സിജൻ സിലിണ്ടർ എടുക്കാൻ മറക്കരുത്.
8-തെലുങ്ക് സിനിമകൾ മലയാളത്തിലേക്ക് ഡബ്ബ് ചെയ്യുന്നത് തമിഴന്മാർക്ക് വേണ്ടിയല്ല.
9-അജ്നോ മോട്ടോ ഉപയോഗിച്ച് ചിക്കൻ ഉണ്ടാക്കുന്നവന്‍ എന്നിൽപ്പെട്ടവനല്ല.
10-ബീഡി വലിച്ചു പുക മൂക്കിൽ കൂടി വിടുന്നവരുടെ മീശനാം നരപ്പിക്കുന്നു.
11-നീ മോര് കുടിക്കുക. അത് നിന്നിലെ വെളിവിനെയും ബോധത്തെയും ഉണർത്തുന്നു
12-ദൈവം പരത്തുന്ന രോഗം ചികിത്സിച്ചു മാറ്റാൻ ശ്രമിക്കുന്നത് ദൈവ നിന്ദയാണ്
13-നിന്റെയോന്നും പെർഫോമൻസ് കണ്ടിരിക്കാനല്ല ഞാനീ ഭൂമിയുണ്ടാക്ക്യത്
14-ആൽഫബെറ്റ്സും ന്യൂമറിക് നമ്പറും അറിയാത്തവർ ഡ്രൈവിങ്ങ് ടെസ്റ്റിന് പോകരുത്.
15-പ്രോണോ സൈറ്റുകള് എല്ലാം വയറസ് പകർത്തുന്നവയല്ല.

വെളിപാടുകൾ:
——————–
*വിളിച്ചാല് വിളികേൾക്കാത്ത കപട ദൈവങ്ങളെ വിട്ടു, യഥാർത്ഥ ദൈവമായ ഡിങ്കനിൽ വിശ്വസിപ്പിൻ!ഡിങ്കനെ സ്മരിപ്പിൻ! ഡിങ്കസ്തുതി ഗീതങ്ങൾ പാടുവിൻ! നിങ്ങളുടെ രക്ഷക്കായി ഡിങ്കൻ അവതരിക്കുന്നതായിരിക്കും!

*നേരിട്ട് മുട്ടിയിട്ട് ഒതുക്കാൻ കഴിയാത്തവരോട് ക്ഷമിക്കുന്നവൻ ആണ് ഡിങ്കൻ. അതിനാൽ തീർച്ചയായും നിങ്ങടെ ദൈവം കരുണാനിധിയും കൂടിയാണ്.

*മറ്റു ദൈവങ്ങളിൽ വിശ്വസിച്ച് ആത്മീയനിർവൃതി തേടുന്നവർ.. .പിടക്കോഴിക്കു മുല സങ്കല്പ്പിച്ചു മുഷ്ടി മൈഥുനം നടത്തുന്ന പൂവൻകോഴികളെ പോലെയാകുന്നു.

*മദ്യം സുലഭമായി ലഭിക്കുന്ന അവസരം ഉണ്ടായിട്ടും മദ്യപിക്കാത്തിരിക്കുന്നത്.. ബാത്ത് ടബ്ബുണ്ടായിട്ടും കുളിക്കാൻ മടിക്കുന്നത് പോലെ ഹീനമായ പ്രവർത്തിയാണ്.

*നല്ല മനുഷ്യൻ എപ്പോഴും ചുവന്ന അണ്ടർവെയറേ ഇടൂ. ചുവന്ന കൈലി കഴുത്തിലണിയുന്നവന്മാർ ഭാഗ്യവാന്മാർ, എന്തെന്നാൽ സ്വർഗ്ഗരാജ്യവും അതിനോട് ചേർന്നുള്ള 18 സെന്റ് 6 ലിങ്ക്സ് പറമ്പും അവർക്കുള്ളതാകുന്നു.

*അന്യമത വിവാഹം ഞാൻ എതിർക്കുന്നു. ബീക്കോസ് എനിക്കതിനു കഴിഞ്ഞിട്ടില്ല. എനിക്ക് വേണ്ടാത്തത് നിങ്ങൾക്കും വേണ്ട….സമ്മതിക്കില്ല ഞാൻ.

*കഴുത്തുളുക്കുംവരെയെ നീചജനങ്ങൾക്ക് സത്യത്തിനെതിരെ തലതിരിക്കാൻ കഴിയൂ.

*അവൻ അങ്ങനെപറഞ്ഞു, ഇവൻ ഇങ്ങനെ പറഞ്ഞു എന്നൊക്കെയല്ലാത നിനക്കെന്തെങ്കിലും പറയാനുണ്ടേൽ അത് പറയുക. നിശ്ചയം.. എന്നാൽ കഴിയുവിധം ഞാൻ അത് നിറവേറ്റാൻ ശ്രമിക്കുന്നതാണ്.

ട്രാഫിക് നിയമങ്ങള്‍ പാലിയ്ക്കുന്നത് സംബന്ധിച്ച് അഷ്ടമാർഗങ്ങൾ നിർദ്ദേശിച്ചിട്ടുള്ള ഏകമതവും ഡിങ്കമതമാണ്. അവ ചുവടെ:

1. മൊബൈല്‍- മൊബൈലിൽ സംസാരിച്ച് വാഹനമോടിക്കുന്നവൻ എന്നെന്നേക്കുമായി നോട്ട്‌ റീച്ചബിൾ ആവും

2. സീറ്റ് ബെല്‍റ്റ് – ഭയപ്പെടേണ്ട, സീറ്റ്ബെൽറ്റ് കാറിനോട് കൂടെയുണ്ട്… നിൻറെ രക്ഷ നിൻറെ കയ്യിൽ തന്നെ.

3. മദ്യം- മദ്യപിച്ച് വാഹനമോടിക്കുന്നവന് വേണ്ടി ആറടി മണ്ണ് തുരന്ന് ഞാൻ മടുത്തു…

4. ബൈക്ക്- വളഞ്ഞ് പുളഞ്ഞ് ബൈക്കിൽ പായുന്നവൻ നീണ്ട് നിവർന്ന് പെട്ടിയിൽ കിടക്കും

5. ഹോണ്‍- സിഗ്നലിൽ കിടന്ന് ഹോണടിക്കുന്നവൻറെ പിതാവ് മറ്റ് യാത്രക്കാരാൽ സ്മരിക്കപ്പെടും

6. ലൈറ്റ്- ഡിമ്മടിക്കാത്തവൻ ബ്രൈറ്റാൽ

7. സീബ്രാ ലൈന്‍- സീബ്രാ ലൈൻ കണ്ണിൽ പിടിക്കാത്തവൻ കാൽനടക്കാരാൽ കഴുത്തിൽ പിടിക്കപ്പെടും

8. സ്പീഡ്- കാറ്റിനേക്കാൾ സ്പീഡിൽ പോയാൽ ‘കാറ്റ്’ സ്പീഡിൽ പോകും