ആവേശ പ്രകടനങ്ങൾക്കല്ല ജന നന്മ ലക്ഷ്യമാക്കി, ജനങ്ങൾക്ക് അപകടമുണ്ടാവാതിരിക്കാനുള്ള മുൻകരുതലുകൾക്കാണ് സർക്കാർ പ്രാധാന്യം കൊടുക്കുന്നതെന്നു വനം മന്ത്രി കെ.രാജു. ശാരീരികാവശതകള് രൂക്ഷമായ തെച്ചിക്കോട്ട്കാവ് രാമചന്ദ്രന് എന്ന ആനയെ തൃശൂര് പൂരത്തിന് എഴുന്നള്ളിക്കുന്നത് അഭികാമ്യമല്ലെന്ന് ചൂണ്ടി ക്കാട്ടുകയായിരുന്നു വനം മന്ത്രി കെ. രാജു.
അക്രമ സ്വഭാവമുള്ള ആനയെ തലയെടുപ്പിന്റെ മികവു കൊണ്ട് മാത്രം തൃശൂര് പൂരത്തിന് എഴുന്നെള്ളിച്ചാല് ഉണ്ടാകാവുന്ന ബുദ്ധിമുട്ട് വളരെ വലുതായിരിക്കും. ആനയുടെ ഒരു ചെറിയ പിണക്കമോ പ്രതികരണമോ പോലും വലിയ ദുരന്തമായി മാറാന് സാദ്ധ്യതയുണ്ട്. അപകടകാരികളായ ഇത്തരം ആനകളെ ജനങ്ങളുടെ ഇടയിലേക്ക് എഴുന്നെള്ളിച്ചു കൊണ്ടു വരുന്നത് സൃഷ്ടിക്കാവുന്ന ദുരന്തം പറഞ്ഞറിയിക്കാന് കഴിയാത്തതാണെന്നും മന്ത്രി ഫേസ്ബുക്ക് കുറിപ്പില് പറഞ്ഞു.
2009 മുതലുള്ള കണക്കുകള് മാത്രം പരിശോധിച്ചാല് തെച്ചിക്കോട്ട്കാവ് രാമചന്ദ്രന് ഏഴു പേരെ കൊലപ്പെടുത്തിയിട്ടുണ്ട്. അത് കൂടാതെ തിരുവമ്ബാടി ചന്ദ്രശേഖരന്, കൂനത്തൂര് കേശവന് എന്നീ നാട്ടാനകളെ കുത്തി കൊലപ്പെടുത്തിയിട്ടുമുണ്ട്. ഏറ്റവുമൊടുവിലായി ഫെബ്രുവരിയില് രണ്ട് ആളുകളെ കൊലപ്പെടുത്തിയതിനെ തുടര്ന്നാണ് ഈ ആനയെ എഴുന്നെള്ളിക്കുന്നതിന് നിയന്ത്രണം ഏര്പ്പെടുത്തിയതെന്നും മന്ത്രി പറഞ്ഞു. എത്ര അപകടകാരിയായ ആനയായാലും അതിനെ എഴുന്നെള്ളിച്ച് കോടികള് സമ്ബാദിക്കണമെന്ന് ആഗ്രഹമുള്ള നിക്ഷിപ്ത താല്പ്പര്യക്കാര് സമൂഹമാധ്യമങ്ങളിലൂടെ വ്യാജപ്രചരണം നടത്തുകയാണെന്നും മന്ത്രി ആരോപിച്ചു.