ഏകയുടെ വിജയത്തിനും റിലീസിംഗിനുള്ള തടസങ്ങൾ മാറാനുമായി ചിത്രത്തിലെ നായികയും മോഡലും ആക്റ്റിവിസ്റ്റുമായ രെഹാന ഫാത്തിമ വിശുദ്ധ ഡിങ്കജട്ടി അണിഞ്ഞു പങ്കിലക്കാട്ടിൽ 41 ദിവസത്തെ ഉപവാസ പ്രർത്ഥനയിലാണെന്ന വ്യാജവാർത്ത നിഷേധിച്ചുകൊണ്ട് നായിക രംഗത്ത്.മുസ്ലീമായ താൻ ഡിങ്കഭഗവാനെ ആരാധിക്കുന്ന തരത്തിൽ വ്യാജവാർത്ത പ്രചരിപ്പിക്കുന്നവരുടെ ഉദ്ദേശം എന്ത് തന്നെ ആയാലും താൻ ഡിങ്കമത വിശ്വാസിയാണെന്നും തൻറെ വിശ്വാസത്തെയും മതവികാരത്തെയും വൃണപ്പെടുത്താനായി ഡിങ്കോയിസ്റ്റുകൾ അക്ഷയ ജട്ടീയ ദിനത്തിൽ നടത്താറുള്ള പ്രാർത്ഥനയുടെ ഫോട്ടോ എടുത്ത് ഏകയുടെ തടസങ്ങൾ മാറാനാണെന്ന തരത്തിൽ ആരോ സോഷ്യൽ മീഡിയയിൽ പ്രചരിപ്പിക്കുകയായിരുന്നു എന്ന് നടി വിശദീകരിക്കുന്നു.താൻ എന്തുകൊണ്ട്‌ ഡിങ്കമതം തിരഞ്ഞെടുത്തു എന്നും നടി വിശദീകരിക്കുന്നുണ്ട് . ഫെയ്‌സ്‌ബുക്ക്‌ പോസ്റ്റിലൂടെയാണ് തൻറെ മതവികാരത്തെ വൃണപ്പെടുത്തുകയും ഡിങ്കമതത്തെ അവഹേളിക്കുകയും ചെയ്തവർക്ക് രെഹ്‌ന മറുപടി നൽകുന്നത്.
ഫെയ്‌സ്‌ബുക്ക്‌ കുറിപ്പ് ചുവടെ
ജെയ്‌ ഡിങ്കാ… പരമ്പരാഗത മുസ്ലീം കുടുമ്പത്തിൽ ജനിച്ച്‌ ഓത്ത്‌ പള്ളിയും പള്ളികൂടവും നിസ്കാരവും വൃതമെടുപ്പുമെല്ലാമായി ഔറത്ത്‌ മറച്ച്‌ ജീവിച്ചെങ്കിലും മനസിലാവാത്ത ഭാഷയിൽ പലരും പലരീതിയിൽ വ്യാഖ്യാനിക്കുന്ന കിത്താബിൽ എനിക്ക്‌ സംശയം നേരിട്ടിരുന്ന സമയത്താണു എന്റെ കൂട്ടുകാരി എനിക്ക്‌ വിശുദ്ധ ബാലമംഗളം വായിക്കാൻ തന്നത്‌.
ഏത്‌ കുട്ടിക്കും വായിച്ചാൽ മനസിലാവുന്ന മനസിൽ സന്തോഷം നിറക്കുന്ന വായിച്ച്‌ കഴിഞ്ഞാൽ ബോമ്പുണ്ടാക്കി പൊട്ടി തെറിക്കാൻ തോന്നാത്ത എല്ലാവർക്കും രസിക്കുന്ന ആ വിശുദ്ധ ഗ്രന്ധത്തിൽ നിന്നാണു ഞാൻ ആദ്യമായി ശക്തരിൽ ശക്തനും എതിരാളിക്കൊരു പോരാളിയും ആപ്ത്‌ മിത്രവുമായ ഡിങ്കനെ മനസിലാക്കുന്നത്‌.
താനാണു വലിയവൻ എന്നും പടച്ചവനെ പടച്ചവൻ താനാണെന്നും താനല്ലാതെ മറ്റൊരു ഇലാഹില്ല എന്നും ഡിങ്ക പുരാണത്തിൽ ഡിങ്കൻ തന്നെ വെളിപ്പെടുത്തിയിട്ടുണ്ട്‌. എനിക്കിത്രയും മതിയായിരുന്നു കേട്ടമാത്രയിൽ തന്നെ ഞാൻ ഓടി പൊന്നാനീ ഛെ.. പങ്കിലകാട്ടിൽ പോയി ഒരു ചുവന്നജെട്ടി വാങ്ങി ധരിച്ച്‌ ഡിങ്കമതത്തിൽ ചേർന്നു. മാഷാ ഡിങ്ക..
പുരുഷനും സ്ത്രീക്കും തുല്യ അവകാശം കൊടുത്തിട്ടുള്ളത്‌ ഡിങ്കൻ മാത്രമാണു. സ്വർഗ്ഗത്തിൽ വൈഫൈയും ഫെയിസ്ബുക്കും വരാനിരിക്കുന്ന ടക്നോളജിയായ ഡിങ്കോൾഫികേഷനും പ്രൊവൈഡു ചെയ്യുന്ന ഏക ദൈവവും ഡിങ്കൻ മാത്രമാണു അൽ ഹം ദുൽ ഡിങ്കാ,..