Thursday, July 29, 2021

Latest Posts

പ്രതിഷേധങ്ങള്‍ ശക്​തമായതോടെ പത്മാവതിയുടെ റിലീസ് മാറ്റി

പ്രതിഷേധങ്ങള്‍ ശക്​തമായതോടെ സഞ്​ജയ്​ ലീല ബന്‍സാലി ചിത്രം പത്​മാവതിയുടെ റിലീസ്​ മാറ്റിവെച്ചു. പുതിയ റിലീസ്​ തിയതി പിന്നീട്​ അറിയിക്കുമെന്ന്​ സിനിമയുടെ നിര്‍മാതാക്കളായ വിയാകോം 18 പിക്ചേഴ്സ്​ ​വ്യക്​തമാക്കി. ഡിസംബര്‍ ഒന്നിനാണ്​ സിനിമയുടെ റിലീസ്​ നിശ്​ചയിച്ചിരുന്നത്​. ചിത്രത്തിനെതിരെ രജപുത്​ സംഘടനകളുടെ നേതൃത്വത്തില്‍ കനത്ത പ്രതിഷേധമാണ്​ ഉയരുന്നത്​​.

പത്​മാവതി മാറ്റങ്ങളില്ലാതെ റിലീസ്​ ചെയ്യാന്‍ അനുവദിക്കരുതെന്ന്​ ആവശ്യപ്പെട്ട്​ രാജസ്ഥാന്‍ മുഖ്യമന്ത്രി വസുന്ധര രാജേ കേന്ദ്രമന്ത്രി സ്​മൃതി ഇറാനിക്ക്​ കത്തയച്ചിരുന്നു. സിനിമ റിലീസ്​ ചെയ്യുന്നത്​ ക്രമസമാധാന പ്രശ്​നങ്ങള്‍ക്ക്​ കാരണമാവുമെന്ന്​ യു.പി അഭ്യന്തര മന്ത്രിയും അഭിപ്രായപ്പെട്ടിരുന്നു. സെന്‍സര്‍ ബോര്‍ഡ്​ അധ്യക്ഷനും സിനിമക്കെതിരെ രംഗത്തെത്തിയിരുന്നു.

14ാം നൂ​റ്റാ​ണ്ടി​ലെ ര​ജ​പു​ത്ര രാ​ജ്​​ഞി പ​ത്​മാ​വ​തി​യു​ടെ ക​ഥ​യാ​ണ്​ സി​നി​മ​യു​ടെ ഇ​തി​വൃ​ത്തം. ദീപിക റാണി പത്​മിനിയാകുന്ന ചിത്രത്തില്‍ രണ്‍വീര്‍ സിങ്ങ് അലാവുദ്ദീന്‍ ഖില്‍ജിയാകുന്നു. റാണി പത്മിനിയുടെ ഭര്‍ത്താവായി ഷാഹിദ് കപൂറുമുണ്ട്. റാണി പത്മിനിയോട് അലാവുദ്ദീന്‍ ഖില്‍ജിക്ക് തോന്നുന്ന പ്രണയവും തുടര്‍ന്നുണ്ടാകുന്ന സംഘര്‍ഷവുമാണ് സിനിമ. 160 കോടി രൂപ മുതല്‍മുടക്കിലാണ് ചിത്രീകരിച്ചത്. ബന്‍സാലി പ്രൊഡക്ഷന്‍സും വിയാകോം 18 പിക്ചേഴ്സും ചേര്‍ന്നാണ് സിനിമ നിര്‍മിക്കുന്നത്.

Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.